1 Kōrinto 16:15 - Rapa Nui

¹⁵ E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

1 Kōrinto 16:15 ပူးပေါင်းရင်းမြစ်များ

Aŋa o te ꞌĀpōtoro 18:12

ꞌI te hora ko Karione te suerekao o Ākāia, he ꞌa-ꞌaru i a Pauro e te nuꞌu hūrio taꞌe haka moe i te manaꞌu ꞌi ruŋa i a Ietū ꞌe he maꞌu ki te hare ture pa he meꞌe haꞌaꞌau e rāua.

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Rōmano 15:25

ꞌĪ a au he oho ꞌi te hora nei ki Hērutarema, he maꞌu i te meꞌe mo hāꞌūꞌū o te ŋā taina era o ira.

Rōmano 15:31

E ani kōrua ki a ia mo hāpaꞌo i a au ꞌo tōtōā mai e te nuꞌu taꞌe haka moe i te manaꞌu ꞌi ruŋa i a Ietū o Hūrea, ꞌe e ani takoꞌa mo koa o te ŋā taina era o Hērutarema ꞌo tū meꞌe era mo maꞌu e au.

Rōmano 16:2

Ki tuꞌu atu, e uꞌi kōrua e haka naho-naho i a ia ꞌo te ai takoꞌa ōꞌona ꞌa Ietū, he meꞌe mau ꞌā, paꞌi, mo aŋa e tātou e te taina haka moe i te manaꞌu ꞌi ruŋa i a Ietū. ꞌE mo hape o te meꞌe, e hāꞌūꞌū kōrua. I rahi rō, paꞌi, te nuꞌu i hāꞌūꞌū e ia, ꞌātā i hāꞌūꞌū takoꞌa rō mai i a au.

Rōmano 16:5

E ꞌaroha takoꞌa ki te nūnaꞌa taŋata haka moe i te manaꞌu ꞌi ruŋa i a Ietū taka-taka ꞌi te hare o Pirika ararua ko ꞌĀkira. E ꞌaroha atu kōrua ki tōꞌoku repahoa ko ꞌEpeneto, he kope raꞌe i haka moe i tōꞌona manaꞌu ꞌi ruŋa i te ⌊Kiritō⌋ o ꞌĀtia taꞌatoꞌa.

1 Kōrinto 1:16

¡ꞌĀ! I papatito takoꞌa rō a au i te huaꞌai ꞌa Etefana, ꞌe ko rehu atu ꞌana i a au hoki i papatito rō a au i te tētahi nuꞌu.

1 Kōrinto 16:1

Te haka taka-taka i te moni mo te nuꞌu haꞌataꞌa e te ꞌAtua māꞌana o Hērutarema, e aŋa pa he meꞌe haka ꞌite e au ki te nūnaꞌa taꞌatoꞌa ⌊haka moe i te manaꞌu⌋ ꞌi ruŋa i a Ietū o te ŋā kona taꞌatoꞌa era o Karatia.

1 Kōrinto 16:17

Meꞌe huru kē te rahi o tōꞌoku koa i tuꞌu mai ai a Etefana, a Forotunato, ꞌe a Akaiko mai i a kōrua ena. ꞌI te kore, paꞌi, o kōrua,

2 Kōrinto 8:4

i haka koni mai ai mo haꞌatiꞌa o mātou i a rāua mo hāꞌūꞌū takoꞌa hai tara mo te nuꞌu haka moe i te manaꞌu ꞌi ruŋa i a Ietū o Hērutarema.

2 Kōrinto 9:1

ꞌE o ruŋa i te meꞌe he haꞌaputu i te moni mo te taina veve o Hērutarema, ¡¿mo aha atu ꞌā a au ana pāpaꞌi haka ꞌou atu?!

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

Firemono 1:7

Ko koa ꞌana a au ꞌe ko ꞌata ai ꞌana tōꞌoku haŋu, e Firemono ē, ꞌi te ai o tuꞌu haŋa ki te nuꞌu haꞌataꞌa e te ꞌAtua māꞌana, ꞌi te meꞌe era e haka koa rō ꞌana koe i te rāua māhatu.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.

Meꞌe Haka Takeꞌa 14:4

Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.