1 Kōrinto 16:13 - Rapa Nui

¹³ E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

1 Kōrinto 16:13 ပူးပေါင်းရင်းမြစ်များ

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Māteo 26:41

E ꞌa-ꞌara e pure ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō he taꞌe pūai o kōrua».

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

Ēfeto 3:16

ꞌe he ani a au ki a ia mo hāꞌūꞌū atu, hai pūai taꞌe pau ōꞌona ꞌe hai Vārua Maitai, mo haka hio-hio i te kōrua manaꞌu ꞌi ruŋa i a Ietū.

Ēfeto 6:10

E te taina, te vānaŋa hopeꞌa ꞌāꞌaku ka kī atu ena: ꞌi te hora taꞌatoꞌa e haka rē mā Ietū e haka haŋu atu hai pūai nui-nui ōꞌona.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

Kōrosa 4:2

ꞌIna kōrua ko haka rē ꞌi te pure. E pure ꞌā, e uꞌi ꞌo oho kē te manaꞌu. E māuru-uru ki te ꞌAtua

1 Tētārōnika 3:8

I ꞌite era, paꞌi, e mātou ko te haka noho iŋa ꞌana a kōrua i te manaꞌu ꞌi ruŋa i a Ietū, he ŋaroꞌa e mātou i te ora.

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

2 Tētārōnika 2:15

ꞌO ira, e te taina ē, e haka noho e oho te kōrua manaꞌu ꞌi ruŋa i a Ietū ꞌe ꞌi ruŋa i te meꞌe hāpī atu era e mātou, ka ai i vānaŋa ꞌo i pāpaꞌi atu.

1 Timoteo 6:12

E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.

2 Timoteo 2:1

E haŋu, e haka pūai koe hai riva rahi o te ꞌAtua vaꞌai atu hai Ietū Kiritō.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

2 Timoteo 4:7

Ko vaꞌai tahi ꞌana a au i a au mo tāvini ki te ꞌAtua, pa he vaꞌai iŋa o te vaꞌehau i a ia ki te mate ꞌi te hora o te tamaꞌi, ꞌe pa he kope ꞌāꞌati, ko tuꞌu ꞌana a au ki te hopeꞌa. ꞌIna kai haka tapa, ki te hora hopeꞌa, mai te hāpī parautiꞌa o te ꞌAtua.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».