1 Kōrinto 16:1 - Rapa Nui

¹ Te haka taka-taka i te moni mo te nuꞌu haꞌataꞌa e te ꞌAtua māꞌana o Hērutarema, e aŋa pa he meꞌe haka ꞌite e au ki te nūnaꞌa taꞌatoꞌa ⌊haka moe i te manaꞌu⌋ ꞌi ruŋa i a Ietū o te ŋā kona taꞌatoꞌa era o Karatia.

1 Kōrinto 16:1 ပူးပေါင်းရင်းမြစ်များ

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 11:30

Pē ira i aŋa ai, ꞌe he vaꞌai i tū tara era ki te rima o Verenāvē ararua ko Sauro mo maꞌu mo vaꞌai ki te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū o Hūrea.

Aŋa o te ꞌĀpōtoro 16:6

ꞌI te taꞌe haꞌatiꞌa e te ⌊Vārua Maitai⌋ mo haka ꞌite i te ⌊roŋo riva-riva o te ꞌAtua⌋ ꞌi te ŋā kona era o ꞌĀtia, he vari a kuā Pauro a te ŋā kona era o Firihia ꞌe o Karatia,

Aŋa o te ꞌĀpōtoro 18:23

I oti era te noho ꞌi ira meꞌe rahi mahana, he eꞌa haka ꞌou he oho ki kona era ki kona era o Karatia ꞌe o Firihia, e haka haŋu e oho era i te nuꞌu taina taꞌatoꞌa o rā ŋā kona mo haka moe mo oho i te rāua manaꞌu ꞌi ruŋa i a Ietū.

Aŋa o te ꞌĀpōtoro 24:17

»Ko matahiti atu ꞌā o tōꞌoku oho a te tētahi henua i hoki haka ꞌou ai ki Hērutarema mo vaꞌai i te moni ki te nuꞌu veve o tōꞌoku hau ꞌe, takoꞌa, mo aŋa i te tūtia mo te ꞌAtua.

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

Aŋa o te ꞌĀpōtoro 9:41

He ꞌa-ꞌaru e Pētero a te rima he haka māroa. He ohu ki te nuꞌu haka moe i te manaꞌu ꞌi ruŋa i a Ietū ꞌe ki tū ŋā viꞌe hove era, he haka takeꞌa ko ora haka ꞌou ꞌā a Tavitā.

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

1 Kōrinto 11:34

ꞌE mo maruaki o te kope e tahi o roto i a kōrua, ka kai rō ꞌai ꞌi tōꞌona hare, ꞌo haka ūtuꞌa i a kōrua e te ꞌAtua, he taꞌe tano o te kōrua haka tere iŋa ꞌi te hora haka taka-taka mo manaꞌu i te mate o te tātou Pūꞌoko Haka Tere. ꞌE te tētahi meꞌe ꞌui mai era e kōrua, ki tuꞌu atu a au ana haka ꞌite atu.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

1 Kōrinto 4:17

Mo te ŋā meꞌe nei i uŋa atu ena au i a Timoteo mo hāꞌūꞌū atu i a kōrua. A ia pa he poki haŋa rahi ꞌāꞌaku taꞌe haka rē ki te hora hopeꞌa i te aŋa o te ꞌAtua. Māꞌana e haka manaꞌu atu i tōꞌoku haka tere iŋa pa he kope haka moe i te manaꞌu ꞌi ruŋa i a Ietū Kiritō. Tōꞌoku haka tere iŋa, paꞌi, e tano rō ꞌā ki tāꞌaku meꞌe mau nei ꞌā e hāpī e oho nei ki te nūnaꞌa taŋata haka moe i te rāua manaꞌu ꞌi ruŋa i a Ietū o te kona taꞌatoꞌa vari ōꞌoku.

Karatia 1:2

he ꞌaroha atu mātou ananake ko te taina taꞌatoꞌa o nei ki a kōrua ki te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū o Karatia.

Karatia 2:10

Te meꞌe mo taꞌe rehu nō i a māua i kī mai ai: mo hāꞌūꞌū ki te nuꞌu veve o Hērutarema, he meꞌe ko manaꞌu era ꞌana e au mo aŋa.

Firemono 1:5

Ko ŋaroꞌa ꞌana, paꞌi, e au o ruŋa i tuꞌu haka moe iŋa i te manaꞌu ꞌi ruŋa i a Ietū, ꞌe o ruŋa i te rahi o tuꞌu haŋa ki te nuꞌu taꞌatoꞌa haꞌataꞌa e te ꞌAtua māꞌana.

Firemono 1:7

Ko koa ꞌana a au ꞌe ko ꞌata ai ꞌana tōꞌoku haŋu, e Firemono ē, ꞌi te ai o tuꞌu haŋa ki te nuꞌu haꞌataꞌa e te ꞌAtua māꞌana, ꞌi te meꞌe era e haka koa rō ꞌana koe i te rāua māhatu.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Iovani 3:17

Kope nō era e ai rō ꞌā tōꞌona hauhaꞌa o te ao nei, ꞌe he takeꞌa i tōꞌona taina e ai rō ꞌana tāꞌana meꞌe hape ꞌe ꞌina he hāꞌūꞌū, ¿e ai mau rō ꞌana hō i a ia te haŋa o te ꞌAtua mo te rua?