1 Kōrinto 15:9 - Rapa Nui

⁹ E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā.

1 Kōrinto 15:9 ပူးပေါင်းရင်းမြစ်များ

Aŋa o te ꞌĀpōtoro 8:3

ꞌE a Sauro e kimi ꞌana i te nuꞌu haka moe i te manaꞌu ꞌi ruŋa i a Ietū mo tōtōā. Ki hare era, ki hare era, e uru e to-toi era i te taŋata ꞌe i te viꞌe mo haka puru ꞌi roto i te hare maꞌuꞌaurī.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

2 Kōrinto 11:5

ꞌIna a au he ŋaroꞌa pē nei ē: kope taꞌe hōnui a au ꞌi muri i tū ŋā ꞌāpōtoro reo-reo tuꞌu atu ena ki a kōrua manaꞌu ena pē nei ē: ꞌata hau rō atu ꞌō a rāua ꞌi te hōnui ki a au.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

Karatia 1:13

Ko ŋaroꞌa ꞌana e kōrua o ruŋa i tāꞌaku meꞌe aŋa ꞌi muꞌa ꞌā, pē hē a au e tute era mo tōtōā i te nuꞌu haka moe i te manaꞌu ꞌi ruŋa i a Ietū hora era ōꞌoku e maꞌu nō ꞌana i te haka tere iŋa hūrio. Te manaꞌu ōꞌoku ꞌi rā hora mo haka kore i a rāua.

Karatia 1:23

Te meꞌe nō o rāua i ŋaroꞌa o ruŋa i a au: «Te kope tute era i a tātou mo tōtōā hora nei e haka ꞌite e oho ꞌā i te roŋo riva-riva o te ꞌAtua, roŋo haŋa era e ia mo haka kore ꞌi muꞌa ꞌā».

Fīripo 3:6

ki te roa, ꞌina e tahi nuꞌu mo kī e hape rō ꞌana a au, ꞌe ꞌātā he kimi nō tāꞌaku aŋa i te nuꞌu ⌊haka moe i te manaꞌu⌋ ꞌi ruŋa i a Ietū mo tōtōā.