1 Kōrinto 15:6 - Rapa Nui

⁶ I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā.

1 Kōrinto 15:6 ပူးပေါင်းရင်းမြစ်များ

Māteo 28:10

He kī e Ietū: «ꞌIna kōrua ko riꞌa-riꞌa. Ka oho ka kī ki tōꞌoku ŋā taina era: “Ka oho ki Karirea; ꞌi ira a mātou ana piri”».

Marko 16:7

He kī haka ꞌou e tū taŋata era: «Ka oho kōrua ka kī ki a Pētero ꞌe ki te nuꞌu hāpī haka ꞌou era e hoꞌe ꞌahuru: a Ietū ꞌi raꞌe ki a rāua ka oho ena ki Karirea ꞌe ꞌi ira ka piri ena, pa he meꞌe kī e ia».

Aŋa o te ꞌĀpōtoro 13:36

»A Tāvita, paꞌi, i tāvini rō ki te ꞌAtua ꞌi tōꞌona noho iŋa. I oti era he mate ꞌe he tanu, pa he oho iŋa o tōꞌona tupuna, ꞌe tōꞌona hakari i piro rō.

Aŋa o te ꞌĀpōtoro 7:60

He tū-turi ia he ohu pūai: «¡E Ietū, ꞌina koe ko tapa atu i te hara nei o te nuꞌu nei!». I oti era te kī i te meꞌe nei, he mate.

1 Kōrinto 15:18

ꞌe te nuꞌu mate haka moe i te manaꞌu ꞌi ruŋa i te Kiritō e ko eꞌa mai roto i te ūtuꞌa o te hara ꞌe e ko ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 15:20

ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate.

1 Tētārōnika 4:13

E te taina, e haŋa rō ꞌana a mātou mo ꞌite o kōrua o ruŋa i te meꞌe topa ki te nuꞌu mate, ꞌo māui-ui rahi rō te kōrua māhatu, pa he nuꞌu taꞌe haka moe i te manaꞌu ꞌi ruŋa i a Ietū taꞌe ꞌite: te nuꞌu mate e ora haka ꞌou rō.

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

2 Pētero 3:4

ka ꞌui era: «¿Ko aha ꞌana rā te hōrea kī era pē nei ē: e hoki haka ꞌou rō mai te ⌊Kiritō⌋? Ko mā-mate tahi ꞌana te tātou matuꞌa, ꞌe ko te noho iŋa ꞌana ꞌō te meꞌe taꞌatoꞌa pa he hora aŋa era ꞌā e te ꞌAtua i te ao».