1 Kōrinto 15:56 - Rapa Nui

⁵⁶ Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua.

1 Kōrinto 15:56 ပူးပေါင်းရင်းမြစ်များ

Iovani 8:21

He kī haka ꞌou e Ietū: —E ko roa a au ka oho rō nei ꞌe he kimi mai kōrua i a au. ꞌE, a kōrua e ko tuꞌu atu ki te kona nei ōꞌoku ka oho nei ꞌo te ai e ko haka kore hia e te ꞌAtua i te kōrua hara ka mā-mate rō ena.

Iovani 8:24

Te tumu o tāꞌaku vānaŋa era: “he mā-mate kōrua e ko haka kore hia e te ꞌAtua i te kōrua hara” ko te meꞌe nei: mo taꞌe ai he parautiꞌa mau ꞌā mo kōrua pē nei ē: a au he kope nei e au e kī atu ena, he mā-mate kōrua ꞌi te kōrua hara.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Rōmano 5:15

Te hara o ꞌĀtamu ꞌe te meꞌe vaꞌai mai e te ꞌAtua meꞌe kē meꞌe kē. Hai hara, paꞌi, o te kope mau nō e tahi i mate ai te taŋata. ꞌE te meꞌe vaꞌai mai e te ꞌAtua hai riva rahi o te taŋata mau nō e tahi ko Ietū Kiritō, he meꞌe hopeꞌa o te nui-nui mo te riva-riva o te taŋata taꞌatoꞌa.

Rōmano 5:17

Hai hara o te kope mau nō e tahi e mate ena te taŋata taꞌatoꞌa, ꞌe hai meꞌe aŋa e te taŋata mau nō e tahi ko Ietū Kiritō, e ai ena te meꞌe nui-nui. Hai ia, paꞌi, e ai ena, i te nuꞌu taꞌatoꞌa tano ki te mata o te ꞌAtua, te ora ꞌāpī ꞌina he hopeꞌa raꞌa hai riva rahi ōꞌona taꞌe e ꞌauhau, ꞌe a rāua ka haka tere ena ꞌi muri i a Ietū.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

ꞌEvereo 9:27

E tahi mau nō mate iŋa o tātou o te taŋata ꞌe ki oti ka kī mai ena e te ꞌAtua i te tano ꞌe i te taꞌe tano o te tātou meꞌe aŋa.