1 Kōrinto 15:52 - Rapa Nui

⁵² Te meꞌe nei ka topa ena ꞌi te hora o te puhi iŋa hopeꞌa o te koneta, ꞌe te hōrou pa he mine iŋa ena ꞌā o te mata. He puhi te koneta, te nuꞌu mate he ora tahi mai, ꞌe ꞌina e ko mate haka ꞌou. ꞌE a tātou te nuꞌu ora o rā hora, he mono te hakari,

1 Kōrinto 15:52 ပူးပေါင်းရင်းမြစ်များ

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Iovani 5:28

»E uꞌi kōrua ꞌo māere rō ꞌi te meꞌe nei. Nā e tuꞌu rō te hora he ŋaroꞌa e te nuꞌu mā-mate taꞌatoꞌa i tōꞌona reꞌo

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 15:42

Pē ira takoꞌa ꞌana te hakari o tātou o te hora nei taꞌe pa he hakari ka ora ena mai te mate ꞌo te ai te hakari nei he mate ꞌe he piro. ꞌE te hakari ora mai te mate ꞌina e ko mate ki te hora hopeꞌa.

1 Kōrinto 15:50

Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate.

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

Meꞌe Haka Takeꞌa 8:13

I oti era he uꞌi atu a au ko te manu nui-nui e tahi e rere rō ꞌā ꞌi vāeŋa o te raŋi e ohu pūai ꞌā: «¡ꞌAu-auē te taŋata o ruŋa i te henua ka puhi ena te ŋā koneta haka ꞌou ena e toru!».

Meꞌe Haka Takeꞌa 8:2

He takeꞌa ia e au e hitu merahi e māroa rō ꞌana ꞌi muꞌa o te ꞌAtua, ꞌe he vaꞌai ki a rāua e hitu koneta.