1 Kōrinto 15:51 - Rapa Nui

⁵¹ ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate.

1 Kōrinto 15:51 ပူးပေါင်းရင်းမြစ်များ

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 15:18

ꞌe te nuꞌu mate haka moe i te manaꞌu ꞌi ruŋa i te Kiritō e ko eꞌa mai roto i te ūtuꞌa o te hara ꞌe e ko ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 15:20

ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate.

1 Kōrinto 15:6

I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 4:1

E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

2 Kōrinto 5:2

E noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Te meꞌe haŋa he tuꞌu hōrou mai te hora mo kamiare o te hakari nei ki te hakari ꞌāpī o te raŋi.

2 Kōrinto 5:4

ꞌĒ-ē, e noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Ka ai atu pē ira, taꞌe he mate te tātou meꞌe haŋa mo kore o te hakari, te meꞌe haŋa he mono o te hakari nei ki te hakari e ko mate ki te hora hopeꞌa.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:3

ꞌĀꞌana i haka ꞌite mai i te parautiꞌa taꞌe haka ꞌite era ꞌi muꞌa ꞌā, he meꞌe nā ko pāpaꞌi ꞌiti-ꞌiti atu ꞌana e au.

Ēfeto 5:32

Hai ŋā vānaŋa nei e takeꞌa ena i te nui-nui o te parautiꞌa taꞌe haka ꞌite mai era e te ꞌAtua ꞌi muꞌa ꞌā pē nei ē: a Ietū ꞌe te nūnaꞌa taŋata haka moe i te manaꞌu ꞌi ruŋa i a ia e tahi mau nō.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.