1 Kōrinto 15:45 - Rapa Nui

⁴⁵ Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi.

1 Kōrinto 15:45 ပူးပေါင်းရင်းမြစ်များ

Iovani 1:4

Mai i a ia e ravaꞌa ena te ora parautiꞌa ꞌe rā ora pa he mōrī haka māꞌeha i te manaꞌu o te taŋata.

Iovani 10:10

»Te toke-toke e oho mai ena mo toke, mo tiŋaꞌi mo haka mate ꞌe mo tōtōā; ꞌe, a au i oho mai ai mo ravaꞌa e kōrua i te ora ꞌāpī ꞌina he hopeꞌa raꞌa, ꞌe mo noho o kōrua e koa rō ꞌā ꞌe e haꞌamaitai rō ꞌā e te ꞌAtua.

Iovani 10:28

Māꞌaku e vaꞌai ki a rāua i te ora ꞌāpī ꞌina he hopeꞌa raꞌa, ꞌo haka tapa e te ꞌAtua i a rāua mai muri i a ia ꞌe ꞌo haka ūtuꞌa. ꞌE ꞌina e tahi kope mo hiko i a rāua mai i a au.

Iovani 14:19

Mahana taꞌe rahi nō te mahana toe mo takeꞌa i a au e te nuꞌu o te ao nei taꞌe haka moe i te manaꞌu ꞌi ruŋa i a au. Mo kōrua nō a au e takeꞌa, ꞌe he ora kōrua ꞌi te ai e ora rō ꞌana a au.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 4:10

He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 6:33

Te haraoa parautiꞌa vaꞌai e te ꞌAtua he kope topa mai mai te raŋi vaꞌai i te ora ꞌāpī ꞌina he hopeꞌa raꞌa ki te taŋata.

Iovani 6:54

Te kope kai i tōꞌoku hakari ꞌe unu i tōꞌoku toto he ravaꞌa i te ora ꞌāpī ꞌina he hopeꞌa raꞌa, ꞌe he haka ora e au ꞌi te mahana o te ture hopeꞌa.

Iovani 6:57

»Te Matuꞌa uŋa mai era i a au e ora rō ꞌana, ꞌe hai ia a au e ora nei. Pē ira takoꞌa, te kope kai i a au he ora hai au.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Iovani 6:68

He pāhono e Tīmona, kī takoꞌa ko Pētero: —E Ietū, ¿ki a ai era a mātou ana oho? I a koe mau nō, paꞌi, te vānaŋa mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Rōmano 5:17

Hai hara o te kope mau nō e tahi e mate ena te taŋata taꞌatoꞌa, ꞌe hai meꞌe aŋa e te taŋata mau nō e tahi ko Ietū Kiritō, e ai ena te meꞌe nui-nui. Hai ia, paꞌi, e ai ena, i te nuꞌu taꞌatoꞌa tano ki te mata o te ꞌAtua, te ora ꞌāpī ꞌina he hopeꞌa raꞌa hai riva rahi ōꞌona taꞌe e ꞌauhau, ꞌe a rāua ka haka tere ena ꞌi muri i a Ietū.

Rōmano 5:21

Te meꞌe ravaꞌa e te taŋata mai te hara he mate, he haꞌataꞌa mau rō ꞌāvai mai te ꞌAtua. ꞌE te meꞌe ravaꞌa mai te riva rahi o te ꞌAtua he tano ki tōꞌona mata ꞌe he ora ꞌāpī ꞌina he hopeꞌa raꞌa hai meꞌe aŋa era ꞌi ruŋa i te tātaurō e te tātou Pūꞌoko Haka Tere ko Ietū Kiritō.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

1 Kōrinto 15:46

Te ora ꞌāpī mo noho ꞌi te raŋi taꞌe he meꞌe raꞌe. Te meꞌe raꞌe he ora mo noho ꞌi te ao nei, ꞌe ki oti te ora ꞌāpī mo noho ꞌi te raŋi.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

Meꞌe Haka Takeꞌa 16:3

He oho te rua merahi he huri i tāꞌana poko-poko a roto i te vaikava. He riro rō atu ꞌai te vaikava he toto ko pata ꞌā, ꞌe he mā-mate tahi te meꞌe taꞌatoꞌa o roto i te vaikava.

Meꞌe Haka Takeꞌa 21:6

I oti era he kī haka ꞌou mai: «Nā ko aŋa tahi ꞌā. A au he Haꞌamata ꞌe he Hopeꞌa. ꞌE te kope haŋa ki te vai he vaꞌai e au, taꞌe e ꞌauhau, mai te kona tehe o te vai vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 22:1

He haka takeꞌa mai ia e tū merahi era i te rio maꞌitaki e tahi mai ira e eꞌa era te vai vaꞌai i te ora ꞌāpī ꞌina he hopeꞌa raꞌa. Rā vai pa he hiꞌo ꞌā te māꞌeha, ꞌe mai te kona pepe noho ꞌariki o te ꞌAtua ꞌe o te Māmoe e eꞌa era.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.