1 Kōrinto 15:34 - Rapa Nui

³⁴ E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

1 Kōrinto 15:34 ပူးပေါင်းရင်းမြစ်များ

Māteo 22:29

He pāhono e Ietū: —¡Ko te hape i te kōrua manaꞌu pē nei ē: ꞌina he taŋata mate he ora haka ꞌou, he taꞌe ꞌite o kōrua i te meꞌe hāꞌaki o ruŋa i te ⌊Pāpaꞌi Moꞌa⌋ ꞌe i te roa o te pūai o te ꞌAtua!

Iovani 5:14

I oho era he piri haka ꞌou a Ietū ki rā kope ꞌi te ⌊Kona Haꞌamuri ꞌAtua⌋ ꞌe he kī: «Ka haka roŋo mai. Nā ko ora ꞌā tuꞌu māui-ui. ꞌIna koe ko hara haka ꞌou ꞌo topa atu te ꞌati ꞌata paŋahaꞌa».

Iovani 8:11

He pāhono e tū viꞌe era: —ꞌIna. He kī e Ietū: —ꞌIna takoꞌa a au e ko haka ūtuꞌa atu. Ka eꞌa koe ka oho, ꞌe ꞌina ko hara haka ꞌou.]

Aŋa o te ꞌĀpōtoro 26:8

¿He aha ia a kōrua e aŋarahi ena mo manaꞌu: te ꞌAtua e haka ora rō i te taŋata mai te mate?

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

1 Kōrinto 4:14

Te meꞌe nei e au e pāpaꞌi atu ena taꞌe mo haka haꞌamā i a kōrua, mo haka tī-tika i te kōrua manaꞌu, pa he ŋā poki haŋa rahi ꞌāꞌaku.

1 Kōrinto 6:5

Te vānaŋa nei e kī atu ena mo haꞌamā o kōrua. E tuꞌu rō ꞌana, paꞌi, pa he meꞌe ena ē: ꞌina he kope mārama-rama o roto i a kōrua mo haka kore i te kōrua ture.

1 Kōrinto 8:7

Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua.

Ēfeto 5:14

O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».

1 Tētārōnika 4:5

Taꞌe mo te meꞌe taꞌe tano pohe e te hakari e haka tere atu i a kōrua, pa he meꞌe aŋa o te nuꞌu ꞌina kai ꞌite ko ai te ꞌAtua parautiꞌa.