1 Kōrinto 15:10 - Rapa Nui

¹⁰ ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 15:10 ပူးပေါင်းရင်းမြစ်များ

Māteo 10:20

ꞌI rā hora, taꞌe hai manaꞌu o kōrua ka vānaŋa era, mo te ⌊Vārua Maitai⌋ o tuꞌu Matuꞌa e haka vānaŋa i a kōrua.

Māteo 25:16

»Te kope era i a ia te pae taꞌutini he haka aŋa i rā moni ꞌe he ravaꞌa e pae taꞌutini haka ꞌou.

Rōmano 11:1

He ꞌui haka ꞌou nei: ¿Ko hārui ꞌana hō te ꞌAtua i te itaraera hai tuaꞌivi? ꞌIna. A au mau nei ꞌā, paꞌi, he itaraera, he hakaara o ⌊ꞌAparahama⌋ o te mata o ⌊Mēhāmina⌋.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

1 Kōrinto 15:11

Taꞌe he meꞌe hauhaꞌa te kope haka ꞌite atu, ka ai atu ko au ꞌo he tētahi ꞌāpōtoro. Te meꞌe hauhaꞌa ko rā roŋo mau era ꞌā o ruŋa i a Ietū, he meꞌe haka ꞌite oho e mātou taꞌatoꞌa, ꞌe he meꞌe o ruŋa kōrua e haka moe ena i te manaꞌu.

1 Kōrinto 15:2

Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 3:6

A au pa he kope pī i te karu ꞌe a ꞌĀporo pa he kope pī-pī vai, ꞌe o te ꞌAtua te haka tupu ꞌe te haka nui-nui.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

2 Kōrinto 3:5

E ko tano mātou mo kī: hai mārama-rama mau ꞌā o mātou e aŋa nei; ko ꞌite riva-riva ꞌana, paꞌi, e mātou: o te ꞌAtua te vaꞌai mai i te mārama-rama mo aŋa i nei aŋa.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 2:8

O te ꞌAtua uŋa era i a Pētero pa he ⌊ꞌāpōtoro⌋ ki te ⌊hūrio⌋, i uŋa takoꞌa i a au pa he ꞌāpōtoro ki te nuꞌu taꞌe he hūrio.

Fīripo 2:13

O te ꞌAtua, paꞌi, te haka poreko ꞌi roto i a kōrua i te haŋa mo haꞌatura ki a ia ꞌe te vaꞌai atu i te pūai mo aŋa o kōrua i te meꞌe mo koa ōꞌona.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

1 Tētārōnika 5:12

E te taina, he ani atu mātou: e moꞌa kōrua i te nuꞌu taꞌatoꞌa aŋa ꞌi roto i a kōrua, he nuꞌu hatu atu ꞌe he nuꞌu haka tika atu ꞌi te meꞌe o te ꞌAtua.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.