1 Kōrinto 14:37 - Rapa Nui

³⁷ Mo manaꞌu o te kope e tahi e vānaŋa ꞌana a ia i te meꞌe haka ꞌite e te ꞌAtua, ꞌe he kope haka tere a ia e te Vārua Maitai, e ꞌite pē nei ē: tāꞌaku meꞌe nei e pāpaꞌi atu ena he roŋo o te tātou Pūꞌoko Haka Tere ko Ietū Kiritō.

1 Kōrinto 14:37 ပူးပေါင်းရင်းမြစ်များ

1 Iovani 4:6

ꞌE a tātou o te ꞌAtua. Te kope māhani i te ꞌAtua ki a tātou e haka roŋo mai ena, ꞌe te kope taꞌe o te ꞌAtua e ko haka roŋo mai. Hai meꞌe nei e ꞌite ena e tātou ko ai te kope i a ia te Vārua kī i te parautiꞌa ꞌe ko ai te kope i a ia te vārua kī i te reo-reo.

2 Kōrinto 10:7

E haka topa te kōrua manaꞌu o ruŋa i te meꞌe ko ꞌite riva-riva ꞌā e kōrua o ruŋa i a mātou. Nā, paꞌi, ꞌi roto i a kōrua te nuꞌu kī: a rāua he tāvini parautiꞌa o te Kiritō. E ꞌite e te nuꞌu era: a mātou takoꞌa he tāvini o te Kiritō.

Hura 1:17

E te taina, e uꞌi ꞌo rehu te vānaŋa kī ꞌi muꞌa ꞌā e te ⌊ꞌāpōtoro⌋ o te tātou Pūꞌoko Haka Tere ko Ietū Kiritō

2 Pētero 3:2

E manaꞌu kōrua ki te meꞌe kī e te perofeta ꞌi muꞌa ꞌana ꞌe ki te meꞌe hāpī atu e te ⌊ꞌāpōtoro⌋ o ruŋa i te roŋo o te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Karatia 6:8

Te kope ꞌoka, paꞌi, i te meꞌe pohe nō e te hakari, te meꞌe mo ravaꞌa he ūtuꞌa o te hara he mate; ꞌe te kope ꞌoka i te meꞌe haŋa e te Vārua Maitai, he ora ꞌāpī ꞌina he hopeꞌa raꞌa.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 10:12

Taꞌe mātou o roto o te nuꞌu teꞌo-teꞌo. Te nuꞌu nei, ꞌi te hora uꞌi hoki e tano rō ꞌā te rāua aŋa mo te ꞌAtua, e hāito ena hai meꞌe aŋa ꞌe manaꞌu e rāua mau ꞌā, taꞌe ꞌō hai manaꞌu o te ꞌAtua. ¡Te oho iŋa nei he meꞌe maꞌa-maꞌa e tahi!

1 Kōrinto 8:2

Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.

1 Kōrinto 7:40

Ka ai atu pē ira, ki tōꞌoku manaꞌu, i hau rō atu a ia ꞌi te koa mo taꞌe hāipo-ipo. E manaꞌu rō ꞌana a au: te meꞌe nei he meꞌe i haka manaꞌu mai e te ⌊Vārua Maitai⌋.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

Ruka 10:16

He kī ia e Ietū ki tāꞌana nuꞌu hāpī: «Te nuꞌu haka roŋo atu e haka roŋo mai ꞌana; te nuꞌu taꞌe haŋa atu e taꞌe haŋa mai ꞌana; ꞌe te nuꞌu taꞌe haŋa mai e taꞌe haŋa ꞌana ki te kope uŋa mai i a au».

1 Kōrinto 2:15

Te kope ꞌi roto i a ia te Vārua Maitai e aŋi-aŋi rō ꞌana i te meꞌe taꞌatoꞌa haka ꞌite e te Vārua Maitai. ꞌE te kope ꞌina he Vārua Maitai o roto i a ia, ꞌina he aŋi-aŋi i te manaꞌu o te nuꞌu e ai rō ꞌā ꞌi roto i a rāua te Vārua Maitai.

1 Kōrinto 3:1

E te taina, hora era ꞌā ōꞌoku ꞌi muri i a kōrua, kai tano a au mo hāpī atu i a kōrua pa he hāpī iŋa ōꞌoku i te nuꞌu haka tere e te ⌊Vārua Maitai⌋ paꞌari ꞌi te meꞌe o te ꞌAtua. I hāpī atu ai pa he nuꞌu taꞌe haka moe rahi i te manaꞌu ꞌi ruŋa i a Ietū, maꞌu oho i te manaꞌu o te ao nei, pa he ŋā poki ꞌi te meꞌe o te ⌊Kiritō⌋.

1 Kōrinto 14:29

Pē ira takoꞌa ꞌana, mo ai o te nuꞌu vānaŋa i te meꞌe haka ꞌite e te ꞌAtua, hoko rua ꞌo hoko toru ana vānaŋa, ꞌe mo te tētahi e uꞌi hoki rā vānaŋa o te ꞌAtua mau ꞌā.

1 Kōrinto 14:36

Te vānaŋa o te ꞌAtua taꞌe mai i a kōrua i ꞌite raꞌe ai, ꞌe taꞌe ko kōrua mau nō te meꞌe i ꞌite o ruŋa.

1 Kōrinto 14:38

ꞌE mo taꞌe moꞌa i te roŋo nei, ꞌina takoꞌa ia kōrua ko haka roŋo ki tāꞌana meꞌe haka ꞌite atu.