1 Kōrinto 14:32 - Rapa Nui

³² Te kope vānaŋa i te meꞌe haka ꞌite e te ꞌAtua e ꞌite mo tiaki ki tōꞌona hora, ꞌo vānaŋa hoko rua ꞌi tū hora ꞌā.

1 Kōrinto 14:32 ပူးပေါင်းရင်းမြစ်များ

Aŋa o te ꞌĀpōtoro 13:1

ꞌI roto i te nūnaꞌa taŋata o Antiokia ⌊haka moe i te manaꞌu⌋ ꞌi ruŋa i a Ietū te perofeta ꞌe te maꞌori hāpī: ko Verenāvē, ko Tīmona, kī takoꞌa ko ꞌUri-ꞌuri, ko Rūtio o Tīrene, ko Sauro, ꞌe ko Menaheme, hāŋai e te matuꞌa o ⌊ꞌErore Antipa⌋. (O te ꞌErore nei te haka tere a Karirea).

1 Kōrinto 14:31

Mo aŋa o kōrua pē ira, taꞌatoꞌa nō ka ai era te hora mo vānaŋa i te meꞌe haka aŋi-aŋi e te ꞌAtua, he ꞌite te taꞌatoꞌa ꞌe he ꞌata pūai te manaꞌu ꞌi ruŋa i a Ietū.

1 Kōrinto 14:33

Te ꞌAtua, paꞌi, taꞌe he ꞌAtua o te meꞌe mira-mira; tāꞌana meꞌe haŋa he meꞌe tī-tika ꞌe he haumārū. ꞌI te hora taka-taka mo haꞌamuri ki te ꞌAtua, ꞌina ko haꞌatiꞌa i te ŋā viꞌe mo vānaŋa. Pē ira te haka tere iŋa o te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū. Te ŋā viꞌe e haꞌatura ki te rāua kenu, pa he meꞌe hāꞌaki ꞌi ruŋa i te ⌊haka tere iŋa ꞌa Mōtē⌋.

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».