1 Kōrinto 14:31 - Rapa Nui

³¹ Mo aŋa o kōrua pē ira, taꞌatoꞌa nō ka ai era te hora mo vānaŋa i te meꞌe haka aŋi-aŋi e te ꞌAtua, he ꞌite te taꞌatoꞌa ꞌe he ꞌata pūai te manaꞌu ꞌi ruŋa i a Ietū.

1 Kōrinto 14:31 ပူးပေါင်းရင်းမြစ်များ

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

1 Kōrinto 14:19

Ka ai atu pē ira, ꞌi roto i te nuꞌu haka moe i te manaꞌu ꞌi ruŋa i a Ietū, i hau rō atu tōꞌoku haŋa mo kī e rima vānaŋa aŋi-aŋi e te nuꞌu mo hāpī i a rāua ki te kī e hoꞌe ꞌahuru taꞌutini vānaŋa hai ꞌarero kē.

1 Kōrinto 14:3

ꞌE te kope ki a ia i vaꞌai ai i te meꞌe he vānaŋa i te meꞌe haka ꞌite e te ꞌAtua e vānaŋa ꞌana ki te nuꞌu mo haka pūai i te rāua haka moe iŋa i te manaꞌu ꞌi ruŋa i a Ietū, mo haka haŋu ꞌe mo haka koa i a rāua.

1 Kōrinto 14:30

ꞌE mo haka ꞌite e te ꞌAtua e tahi meꞌe ki te kope e noho rō ꞌā ꞌi rā kona, te kope vānaŋa he mou mo vānaŋa o rā rua kope era.

1 Kōrinto 14:32

Te kope vānaŋa i te meꞌe haka ꞌite e te ꞌAtua e ꞌite mo tiaki ki tōꞌona hora, ꞌo vānaŋa hoko rua ꞌi tū hora ꞌā.

1 Kōrinto 14:35

Mo haŋa mo ꞌite e tahi meꞌe, ꞌi te hare ana ꞌui ki te kenu; ꞌina, paꞌi, he ŋā viꞌe e ko tano mo vānaŋa ꞌi te hora e taka-taka rō ꞌana mo haꞌamuri ki te ꞌAtua.

2 Kōrinto 1:4

ꞌI roto i te tātou ꞌati taꞌatoꞌa he haka koa ꞌe he haka pūai nō mai te aŋa e ia, mo ꞌite takoꞌa o tātou mo haka koa ꞌe mo haka pūai i te nuꞌu e ai rō ꞌana te rāua ꞌati hai hāꞌūꞌū vaꞌai mau mai era ꞌā e ia.

Ēfeto 6:22

ꞌO ira i uŋa atu ena e au mo haka ꞌite atu pē hē a mātou. Pē ira he koa a kōrua ꞌe he pūai te manaꞌu ꞌi ruŋa i a Ietū.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

1 Tētārōnika 4:18

E haka koa kōrua i a kōrua ꞌā hai ŋā vānaŋa nei.

1 Tētārōnika 5:11

ꞌO ira, ꞌi roto i a kōrua e haka koa, e haka pūai te kōrua manaꞌu ꞌi ruŋa i a Ietū, pa he meꞌe mau ena ꞌā e kōrua e aŋa mai ena.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

1 Tētārōnika 5:20

ꞌIna ko taꞌe haka au i te vānaŋa haka ꞌite atu e ia hai rua kope.