1 Kōrinto 14:3 - Rapa Nui

³ ꞌE te kope ki a ia i vaꞌai ai i te meꞌe he vānaŋa i te meꞌe haka ꞌite e te ꞌAtua e vānaŋa ꞌana ki te nuꞌu mo haka pūai i te rāua haka moe iŋa i te manaꞌu ꞌi ruŋa i a Ietū, mo haka haŋu ꞌe mo haka koa i a rāua.

1 Kōrinto 14:3 ပူးပေါင်းရင်းမြစ်များ

Ruka 3:18

Hai meꞌe nei ꞌe hai tētahi atu vānaŋa e haka ꞌite e oho era a Iovani ki te taŋata i te ⌊roŋo riva-riva o te ꞌAtua⌋.

Aŋa o te ꞌĀpōtoro 13:15

I oti era te taiꞌo i te kona o ruŋa o te puka pāpaꞌi e ⌊Mōtē⌋ ꞌe i te kona o te puka pāpaꞌi e te perofeta, he kī e te nuꞌu pūꞌoko haka tere o tū hare pure era: «E kuā taina, mo ai o te kōrua meꞌe mo kī mo haka pūai i te manaꞌu o te nuꞌu nei, ka vānaŋa».

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Aŋa o te ꞌĀpōtoro 15:32

ꞌE, a Hura ararua ko Tira he ꞌata haka koa ꞌe he ꞌata haka haŋu i rā ŋā taina hai vānaŋa i haka vānaŋa e te ꞌAtua.

Aŋa o te ꞌĀpōtoro 4:36

Pē ira i aŋa ai e te taŋata ⌊rēvita⌋ e tahi te ꞌīŋoa ko ⌊Kōsē⌋ o te motu ko Tīpere, nape e te ꞌāpōtoro ko Verenāvē (te auraꞌa: «he kope hāꞌūꞌū i te rua»).

Aŋa o te ꞌĀpōtoro 9:31

ꞌI rā hora, ꞌi te taꞌe kimi haka ꞌou e te taŋata mo tōtōā, he ŋaroꞌa te ora e te nuꞌu haka moe i te manaꞌu ꞌi ruŋa i a Ietū o te kona taꞌatoꞌa o Hūrea, o Karirea ꞌe o ⌊Tāmāria⌋, ꞌe he haka hio-hio he oho i te rāua manaꞌu ꞌi ruŋa i a Ietū. He moꞌa nō te aŋa i te ꞌAtua, ꞌe, hai hāꞌūꞌū o te Vārua Maitai, e ꞌata rahi e oho era a rāua.

Rōmano 12:8

ꞌE te kope i a ia te meꞌe he haka pūai i te manaꞌu o te rua, e noho e haka pūai. ꞌE te kope i a ia te meꞌe he vaꞌai hai meꞌe ki te rua, e vaꞌai hai māhatu. ꞌE te kope te meꞌe i vaꞌai ki a ia he haka tere i te nūnaꞌa taŋata haka moe i te manaꞌu ꞌi ruŋa i a Ietū, e uꞌi e aŋa riva-riva tāꞌana aŋa, ꞌe te kope tāꞌana meꞌe he hāꞌūꞌū ki te rua, e hāꞌūꞌū hai koa.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

Rōmano 15:2

Ki aŋa tahi tātou i te meꞌe hai haŋa mo haka koa ꞌe mo hāꞌūꞌū i te taina, ꞌe mo ꞌata ꞌite o tātou taꞌatoꞌa o ruŋa i te meꞌe o te ꞌAtua.

1 Kōrinto 10:23

He parautiꞌa te vānaŋa ena e kī ena: «ꞌIna he meꞌe taꞌe haꞌatiꞌa i te taŋata mo aŋa i tāꞌana meꞌe haŋa». Ka ai atu pē ira, taꞌe taꞌatoꞌa meꞌe he meꞌe riva-riva mo te taŋata, ꞌe taꞌe taꞌatoꞌa meꞌe he meꞌe haka hio-hio i te manaꞌu ꞌi ruŋa i a Ietū.

1 Kōrinto 14:12

E tano rō ꞌā, e te taina ē, te haŋa mo ai i a kōrua te meꞌe vaꞌai e te Vārua Maitai mo aŋa i te aŋa o te ꞌAtua. Te meꞌe nō, e ani ki a ia mo vaꞌai atu hai ŋā meꞌe ena mo hāꞌūꞌū ki te nuꞌu taꞌatoꞌa haka moe i te manaꞌu ꞌi ruŋa i a Ietū mo pūai o te rāua manaꞌu ꞌi ruŋa i a ia.

1 Kōrinto 14:17

Ka ai atu e riva rō ꞌā taꞌa pure mo māuru-uru ki te ꞌAtua, mo te rua ꞌina e tahi hauhaꞌa.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

1 Kōrinto 14:31

Mo aŋa o kōrua pē ira, taꞌatoꞌa nō ka ai era te hora mo vānaŋa i te meꞌe haka aŋi-aŋi e te ꞌAtua, he ꞌite te taꞌatoꞌa ꞌe he ꞌata pūai te manaꞌu ꞌi ruŋa i a Ietū.

1 Kōrinto 8:1

ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua.

2 Kōrinto 1:4

ꞌI roto i te tātou ꞌati taꞌatoꞌa he haka koa ꞌe he haka pūai nō mai te aŋa e ia, mo ꞌite takoꞌa o tātou mo haka koa ꞌe mo haka pūai i te nuꞌu e ai rō ꞌana te rāua ꞌati hai hāꞌūꞌū vaꞌai mau mai era ꞌā e ia.

Ēfeto 4:29

ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Ēfeto 6:22

ꞌO ira i uŋa atu ena e au mo haka ꞌite atu pē hē a mātou. Pē ira he koa a kōrua ꞌe he pūai te manaꞌu ꞌi ruŋa i a Ietū.

Kōrosa 4:8

ꞌO ira a au i uŋa atu ena i a ia mo haka ꞌite atu pē hē a mātou ꞌe mo haka koa ꞌe mo haka pūai i te kōrua manaꞌu ꞌi ruŋa i a Ietū.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Tētārōnika 2:3

Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Tētārōnika 3:2

ꞌe mo uŋa atu i te tātou taina ko Timoteo mo uꞌi i a kōrua. A ia he taŋata hāꞌūꞌū ꞌi te aŋa he haka ꞌite i te ⌊roŋo riva-riva o ruŋa i a Ietū Kiritō⌋. I uŋa atu ai e mātou mo ꞌata haka pūai ꞌe mo ꞌata haka haŋu i te kōrua haka moe iŋa i te manaꞌu ꞌi ruŋa i a Ietū,

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

1 Tētārōnika 4:18

E haka koa kōrua i a kōrua ꞌā hai ŋā vānaŋa nei.

2 Tētārōnika 3:12

Te roŋo o mātou mo te ŋā nuꞌu nei hai ꞌīŋoa o te tātou Pūꞌoko Haka Tere ko Ietū Kiritō: ꞌina ko haka mira-mira haka ꞌou i te aŋa o te tētahi, ꞌe e aŋa mo ai o te rāua rāveꞌa.

1 Timoteo 1:4

ꞌe mo taꞌe haka roŋo haka ꞌou ki te ꞌaꞌamu taꞌe parautiꞌa o ruŋa i te hakaara. Te meꞌe nō, paꞌi, mo ravaꞌa mai te ŋā meꞌe era he tātake. He māuꞌa ia te hora mo haka ꞌite i te ara parautiꞌa o te ꞌAtua, he meꞌe ana aŋi-aŋi mau nō e ⌊haka moe i te manaꞌu⌋ ꞌi ruŋa i a ia.

1 Timoteo 4:13

ꞌI tuꞌu tiaki iŋa mai, e taiꞌo koe ki te taŋata i te ⌊Pāpaꞌi Moꞌa⌋, e hāpī ꞌe e haka haŋu koe i te taina.

1 Timoteo 6:2

ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 1:9

Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

Tito 2:6

E hāpī ki te ŋāŋata ꞌāpī takoꞌa mo hāito i te rāua meꞌe kī ꞌe i te rāua meꞌe aŋa.

Tito 2:9

E hāpī koe ki te ꞌekaravo mo haꞌatura ki te taŋata haka aŋa i a rāua. E hāpī takoꞌa mo riro o rāua he nuꞌu riva, taꞌe pāhono-hono,

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

ꞌEvereo 3:13

Te meꞌe mo aŋa paurō te mahana mai ora ꞌā kōrua, he hatu ki te rua mo haka noho mo oho i te manaꞌu ꞌi ruŋa i te ꞌAtua, ꞌo reo-reo atu e te hara, ꞌo hio-hio te māhatu, ꞌo taꞌe haŋa haka ꞌou mo haꞌatura ki a ia.

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

Hura 1:20

ꞌE a kōrua, e te taina ē, e haka hio-hio e oho nō ꞌi roto i te hāpī parautiꞌa hai haka moe i te manaꞌu ꞌi ruŋa i a Ietū, ꞌe e pure hai pūai o te ⌊Vārua Maitai⌋.