1 Kōrinto 14:23 - Rapa Nui

²³ Pē nei te auraꞌa: mo ai ko taka-taka ꞌā a kōrua mo haꞌamuri i te ꞌAtua, ꞌe he tuꞌu atu ki roto i a kōrua te nuꞌu taꞌe haka moe i te manaꞌu ꞌi ruŋa i a Ietū ꞌe te nuꞌu taꞌe aŋi-aŋi o ruŋa i te ŋā meꞌe nei, ꞌe he ŋaroꞌa i a kōrua taꞌatoꞌa e vānaŋa ꞌā ꞌi te ꞌarero huru kē huru kē, he manaꞌu ko maꞌa-maꞌa tahi ꞌana kōrua.

1 Kōrinto 14:23 ပူးပေါင်းရင်းမြစ်များ

Ruka 12:46

he kī atu a au: ꞌi te hora ꞌe ꞌi te mahana e ko ꞌite hia e rā tāvini, ka tuꞌu era rā taŋata haka aŋa era i a ia, he haka ūtuꞌa hai ūtuꞌa ena mo te tāvini taꞌe haka roŋo.

Iovani 10:20

Nuꞌu rahi te nuꞌu o rāua i kī: «¿He aha kōrua e haka roŋo ena? Ko oꞌo ꞌana, hoꞌi, rā e te tātane ꞌe ko maꞌa-maꞌa ꞌana».

Aŋa o te ꞌĀpōtoro 2:13

ꞌĪ ia te tētahi o rā nuꞌu e haka meꞌe-meꞌe era pē nei ē: «¡Ko taꞌero tahi ꞌana!».

Aŋa o te ꞌĀpōtoro 26:24

I oti era a Pauro i te kī i tū vānaŋa era, he kī e Feto, i haka pūai te reꞌo: —¡Ko maꞌa-maꞌa ꞌā a koe, e Pauro ē! A koe i maꞌa-maꞌa ena he rahi o tuꞌu hāpī.

1 Kōrinto 11:18

Te meꞌe ꞌāꞌaku i ŋaroꞌa: e taka-taka ena a kōrua, he tātake nō te aŋa ꞌe he haka topa-topa kē-kē, ꞌe ki tōꞌoku manaꞌu e ai rō ꞌā te parautiꞌa o te vānaŋa nei.