1 Kōrinto 14:2 - Rapa Nui

² Te kope ki a ia te meꞌe i vaꞌai ai he vānaŋa hai ꞌarero kē taꞌe ꞌite e ia taꞌe ki te taŋata e vānaŋa ena; e vānaŋa ꞌā ki te ꞌAtua, ꞌe ꞌina he nuꞌu he aŋi-aŋi i tāꞌana meꞌe kī.

1 Kōrinto 14:2 ပူးပေါင်းရင်းမြစ်များ

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Marko 16:17

Te nuꞌu haka moe i te manaꞌu ꞌi ruŋa i a au e aŋa rō i te meꞌe ka takeꞌa era e te taŋata he aŋi-aŋi: i rā nuꞌu te mana o te ꞌAtua. Te nuꞌu nei e haka eꞌa rō i te tātane mai roto i te taŋata hai ꞌīŋoa ōꞌoku, ꞌe e vānaŋa rō i te ꞌarero kē taꞌe i hāpī e rāua.

Marko 4:11

He kī e Ietū: «Ki a kōrua te ꞌAtua e haka ꞌite ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE ki te nuꞌu taꞌe o roto i rā haka tere iŋa e vānaŋa ena hai ꞌaꞌamu haꞌaauraꞌa,

Aŋa o te ꞌĀpōtoro 10:46

He ŋaroꞌa e vānaŋa ꞌana hai ꞌarero huru kē huru kē ꞌe e haꞌahana-hana ꞌana ki te ꞌAtua.

Aŋa o te ꞌĀpōtoro 19:6

I haka puā era e Pauro i te rima, he turu takoꞌa ki ruŋa i rā nuꞌu te Vārua Maitai ꞌe he haꞌamata he vānaŋa hai ꞌarero kē-kē, ꞌe he kī i te meꞌe i haka vānaŋa e te ꞌAtua.

Aŋa o te ꞌĀpōtoro 22:9

»Te nuꞌu oho atu ꞌi muri i a au i takeꞌa rō i rā mōrī, ꞌe, ꞌina kai ŋaroꞌa i te meꞌe kī mai.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 12:10

E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 13:1

Mo vānaŋa ōꞌoku rauhuru ꞌarero o te ao nei, ꞌe ꞌātā i te ꞌarero vānaŋa e te merahi, ꞌe ꞌina o roto i a au te haŋa mo te rua, te meꞌe nō era ꞌāꞌaku mo kī he pōŋeha nō atu e tahi pa he pahu e tiŋi-tiŋi ꞌā.

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 14:16

Mo haꞌahana-hana ōꞌou ki te ꞌAtua hai ꞌarero vaꞌai atu e te Vārua Maitai, ꞌe he ŋaroꞌa e te kope e tahi, e ko riva te kope era mo hokorua atu ꞌi taꞌa pure ꞌi te meꞌe era ꞌina he aŋi-aŋi i taꞌu vānaŋa.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

1 Kōrinto 15:51

ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate.

1 Kōrinto 2:10

Rā meꞌe taꞌe haka ꞌite mai era ꞌi muꞌa ꞌā ko haka aŋi-aŋi mai ꞌā e te ꞌAtua hai Vārua Maitai ꞌi te hora nei; a ia, paꞌi, e ꞌite rō ꞌā i te meꞌe taꞌatoꞌa, ꞌātā i te manaꞌu hopeꞌa o te ꞌAtua.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

1 Timoteo 3:9

Te nuꞌu nei e haka hio-hio i te rāua manaꞌu ki te roŋo parautiꞌa o te ꞌAtua haka ꞌite mai era e ia, ꞌe e ai e maꞌitaki rō ꞌā te rāua māhatu.

Meꞌe Haka Takeꞌa 10:7

Ka puhi ena, paꞌi, te hitu merahi i tāꞌana koneta, he tano tahi te meꞌe manaꞌu era e ia mo aŋa taꞌe aŋi-aŋi e te taŋata ꞌi muꞌa ꞌā, he meꞌe kī era e ia ki te perofeta, tāvini ōꞌona».