1 Kōrinto 14:17 - Rapa Nui

¹⁷ Ka ai atu e riva rō ꞌā taꞌa pure mo māuru-uru ki te ꞌAtua, mo te rua ꞌina e tahi hauhaꞌa.

1 Kōrinto 14:17 ပူးပေါင်းရင်းမြစ်များ

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

1 Kōrinto 14:18

E māuru-uru rō ꞌana a au ki te ꞌAtua ꞌo te ai ꞌata rahi tōꞌoku vānaŋa ꞌi te ꞌarero kē taꞌe ꞌite e au ki a kōrua taꞌatoꞌa.

1 Kōrinto 14:4

Te kope vānaŋa i te ꞌarero kē taꞌe ꞌite e ia mōꞌona mau nō te riva-riva, ꞌe te kope vānaŋa i te meꞌe haka ꞌite e te ꞌAtua, mo te nūnaꞌa taꞌatoꞌa o te taŋata ⌊haka moe i te manaꞌu⌋ ꞌi ruŋa i a Ietū te riva-riva.

1 Kōrinto 14:5

Mo vānaŋa o kōrua taꞌatoꞌa i te ꞌarero kē taꞌe ꞌite e kōrua, he koa a au. Te meꞌe nō, mo te riva-riva o te taꞌatoꞌa, i hau rō atu ꞌi te tano te vānaŋa o kōrua i te meꞌe haka ꞌite e te ꞌAtua hai ꞌarero mo aŋi-aŋi e te nuꞌu ki te vānaŋa i te ꞌarero kē taꞌe ꞌite e kōrua, mo kore o te kope mo haꞌaauraꞌa i rā vānaŋa. ꞌO ira ꞌata hau rō atu tōꞌoku koa mo vānaŋa o kōrua i te meꞌe haka ꞌite atu e te ꞌAtua.

1 Kōrinto 14:6

E te taina: ꞌina, paꞌi, e tahi hauhaꞌa mo oho atu ōꞌoku mo uꞌi i a kōrua ꞌe he vānaŋa atu hai ꞌarero kē taꞌe ꞌite e au ꞌe taꞌe aŋi-aŋi e kōrua. I hau rō atu, paꞌi, i te tano mo vānaŋa atu i te meꞌe haka aŋi-aŋi mai e te ꞌAtua, i te parautiꞌa ōꞌona, i te vānaŋa haka ꞌite mai e ia, ꞌe i te hāpī mo te kōrua riva-riva hai ꞌarero aŋi-aŋi e kōrua.