1 Kōrinto 14:15 - Rapa Nui

¹⁵ ¿He aha ia te tātou meꞌe mo aŋa? He pure hai pūai o te Vārua Maitai, ꞌe he pure takoꞌa mo aŋi-aŋi e te taꞌatoꞌa. He hīmene hai pūai o te Vārua Maitai, ꞌe he hīmene takoꞌa hai hīmene mo aŋi-aŋi e te taꞌatoꞌa.

1 Kōrinto 14:15 ပူးပေါင်းရင်းမြစ်များ

Aŋa o te ꞌĀpōtoro 21:22

¿He aha te tātou meꞌe mo aŋa ꞌo manaꞌu he parautiꞌa mau ꞌā te rāua meꞌe ŋaroꞌa era? E ꞌite nō, paꞌi, e te nuꞌu ꞌī koe ko tuꞌu mai ꞌā.

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 8:31

ꞌIna ia he vānaŋa toe mo kī. I ai rō nei te ꞌAtua ꞌi te tātou pāꞌiŋa, ꞌina e tahi kope mo rē mai ki a tātou.

1 Kōrinto 10:19

Mo ai pē ira, ¿ko tū meꞌe ꞌana hō mo te nuꞌu kai i te kai tūtia ki te ꞌītoro? ꞌIna. Te ꞌītoro, paꞌi, ꞌe te kai tūtia ki a ia ꞌina e tahi ōꞌona hauhaꞌa.

1 Kōrinto 14:14

Mo pure ōꞌoku hai ꞌarero kē taꞌe ꞌite e au, e pure ꞌana a au i te meꞌe i haka pure mai e te Vārua Maitai, taꞌe ꞌō hai meꞌe i manaꞌu e au.

1 Kōrinto 14:19

Ka ai atu pē ira, ꞌi roto i te nuꞌu haka moe i te manaꞌu ꞌi ruŋa i a Ietū, i hau rō atu tōꞌoku haŋa mo kī e rima vānaŋa aŋi-aŋi e te nuꞌu mo hāpī i a rāua ki te kī e hoꞌe ꞌahuru taꞌutini vānaŋa hai ꞌarero kē.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

Fīripo 1:18

Nōatu. Mo ai he parautiꞌa te rāua meꞌe hāpī, ko te koa iŋa ꞌana a au, ka ai hai māhatu ꞌo taꞌe hai māhatu e hāpī ena. Te meꞌe hauhaꞌa, paꞌi, ko te haka ꞌite ko te oho iŋa ꞌana o ruŋa i a Ietū. ꞌE, koa riꞌa-riꞌa au

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

Tanatiako 5:13

Mo ꞌati o te kope e tahi o roto i a kōrua, e pure. ꞌE mo koa, e hīmene e haꞌahana-hana ki te ꞌAtua.

Hura 1:20

ꞌE a kōrua, e te taina ē, e haka hio-hio e oho nō ꞌi roto i te hāpī parautiꞌa hai haka moe i te manaꞌu ꞌi ruŋa i a Ietū, ꞌe e pure hai pūai o te ⌊Vārua Maitai⌋.