1 Kōrinto 14:13 - Rapa Nui

¹³ Te kope ki a ia te meꞌe i vaꞌai ai he vānaŋa i te ꞌarero kē taꞌe ꞌite e ia e ani ki te ꞌAtua mo vaꞌai i te pūai mo haꞌaauraꞌa i tāꞌana vānaŋa era.

1 Kōrinto 14:13 ပူးပေါင်းရင်းမြစ်များ

Marko 11:24

ꞌO ira ꞌī a au he kī atu: te meꞌe taꞌatoꞌa no-noꞌi e kōrua hai pure, e manaꞌu: nā ko ai ꞌā i a kōrua rā meꞌe ꞌe he vaꞌai atu.

Aŋa o te ꞌĀpōtoro 1:14

Te aŋa o rāua he haka taka-taka mo pure ananake ko te taina o Ietū, ko ⌊Māria⌋ matuꞌa ōꞌona ꞌe ko te tētahi atu ŋā viꞌe.

Aŋa o te ꞌĀpōtoro 8:15

I tuꞌu era he pure mo te nuꞌu haka moe i te manaꞌu ꞌi ruŋa i a Ietū mo noho o te ⌊Vārua Maitai⌋ ꞌi roto i a rāua.

1 Kōrinto 12:10

E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

1 Kōrinto 12:30

Taꞌe taꞌatoꞌa e ai rō ꞌā te pūai mo haka ora i te māui-ui. ꞌE, takoꞌa, taꞌe taꞌatoꞌa e vānaŋa rō ꞌā i te ꞌarero kē taꞌe ꞌite e rāua, ꞌe taꞌe taꞌatoꞌa e ꞌite rō ꞌana mo haꞌaauraꞌa i te vānaŋa kī hai rā ꞌarero.

1 Kōrinto 14:12

E tano rō ꞌā, e te taina ē, te haŋa mo ai i a kōrua te meꞌe vaꞌai e te Vārua Maitai mo aŋa i te aŋa o te ꞌAtua. Te meꞌe nō, e ani ki a ia mo vaꞌai atu hai ŋā meꞌe ena mo hāꞌūꞌū ki te nuꞌu taꞌatoꞌa haka moe i te manaꞌu ꞌi ruŋa i a Ietū mo pūai o te rāua manaꞌu ꞌi ruŋa i a ia.

1 Kōrinto 14:14

Mo pure ōꞌoku hai ꞌarero kē taꞌe ꞌite e au, e pure ꞌana a au i te meꞌe i haka pure mai e te Vārua Maitai, taꞌe ꞌō hai meꞌe i manaꞌu e au.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.