1 Kōrinto 14:11 - Rapa Nui

¹¹ Mo taꞌe aŋi-aŋi e au i te ꞌarero vānaŋa e te kope e tahi, he tuꞌu a au pa he taŋata o te rua henua mo rā kope ꞌe a ia takoꞌa mōꞌoku.

1 Kōrinto 14:11 ပူးပေါင်းရင်းမြစ်များ

Aŋa o te ꞌĀpōtoro 28:2

I hāꞌūꞌū rō mai te nuꞌu o ira. ꞌI te hoa o te ꞌua ꞌe ꞌi te takeꞌo, he haka hū e rā nuꞌu i te ahi ꞌe he kī mai mo haka hāhine mo haka mahana.

Aŋa o te ꞌĀpōtoro 28:4

I takeꞌa era e te nuꞌu o rā motu i te kōreha ko taka ꞌā ꞌi te rima o Pauro, he kī ki a rāua ꞌā: «Pe he meꞌe ena ē: te kope era kope taparahi-taꞌata tiŋaꞌi haka mate i te rua; ka ai atu ko ora ꞌā mai te ꞌati o roto i te vaikava, ꞌina he haka rē e te ꞌatua mo ora».

Rōmano 1:14

Ki te taŋata taꞌatoꞌa a au ana haka ꞌite i te roŋo riva-riva o te ꞌAtua, ka ai atu he nuꞌu ai o te hāpī ꞌo taꞌe ai o te hāpī, he nuꞌu mārama-rama, ꞌo taꞌe mārama-rama.

1 Kōrinto 14:10

Te parautiꞌa, meꞌe rahi ꞌarero e vānaŋa ena ꞌi te ao, ꞌe e ai rō ꞌā te nuꞌu aŋi-aŋi i rā ŋā ꞌarero.

1 Kōrinto 14:21

E kī rō ꞌā e te ꞌAtua ꞌi ruŋa i te ⌊Pāpaꞌi Moꞌa⌋: «E vānaŋa rō a au ki te nuꞌu o te henua nei a roto i te haha o te nuꞌu o te rua henua ꞌe hai ꞌarero kē, ꞌe, ka ai atu pē ira, ꞌina e ko haka roŋo mai».

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.