1 Kōrinto 13:9 - Rapa Nui

⁹ Ka ai atu ꞌi te hora nei e vaꞌai rō mai ꞌana e te ⌊Vārua Maitai⌋ i te pūai mo vānaŋa i te meꞌe haka ꞌite mai e te ꞌAtua, ꞌe i te pūai mo ꞌite o ruŋa i te ꞌAtua, ko te toe iŋa ꞌana te meꞌe mo ꞌite e tātou o ruŋa i a ia.

1 Kōrinto 13:9 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Rōmano 11:34

Pa he meꞌe kī ꞌi ruŋa i te Pāpaꞌi Moꞌa: «¿Ko ai te meꞌe mo ꞌite i te manaꞌu o te ꞌAtua? ¿Ko ai te kope mo kī he aha tāꞌana meꞌe mo aŋa?

1 Kōrinto 13:10

ꞌE, ki tuꞌu mai te kope ena ꞌina ōꞌona hape, he ꞌite tahi e tātou, ꞌe he kore te ŋā meꞌe nei.

1 Kōrinto 13:12

Te meꞌe ꞌite o tātou ꞌi te hora nei o ruŋa i te ꞌAtua pa he meꞌe ꞌehu-ꞌehu e tahi ꞌi roto i te hiꞌo; ꞌe, ka tano ena te mahana, he takeꞌa riva-riva mai. Hora nei e ai rō ꞌā te meꞌe taꞌe aŋi-aŋi e au o ruŋa i a ia; ꞌe, e tano rō te mahana, he māhani a au i a ia, pa he māhani iŋa mai ōꞌona i a au.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

1 Kōrinto 8:2

Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.