1 Kōrinto 13:3 - Rapa Nui

³ ꞌE mo tuhaꞌa ōꞌoku ki te nuꞌu veve i te meꞌe taꞌatoꞌa ꞌāꞌaku, ꞌe ꞌātā he vaꞌai a au i tōꞌoku hakari mo tutu ꞌi roto i te ahi, ꞌe ꞌina a au he haŋa ki te rua, ꞌina ia e tahi hauhaꞌa o rā meꞌe.

1 Kōrinto 13:3 ပူးပေါင်းရင်းမြစ်များ

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 18:28

He kī e Pētero: —E Ietū, ko haka rē tahi ꞌana a mātou i te mātou meꞌe ꞌe ko oho atu ꞌā ꞌi muri i a koe.

Ruka 19:8

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

Iovani 12:43

I hau rō atu, paꞌi, te haŋa mo vānaŋa riva-riva o te taŋata o ruŋa i a rāua ki te ai o te manaꞌu riva-riva o te ꞌAtua mo rāua.

Iovani 13:37

He kī e Pētero: —E Ietū, ¿he aha a au ana taꞌe oho atu ꞌi te hora nei? ¡E vaꞌai nō a au i a au ki te mate mōꞌou!

Iovani 15:13

Te haŋa hopeꞌa o te nui-nui he vaꞌai o te kope e tahi i a ia ki te mate mo tōꞌona repahoa.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Aŋa o te ꞌĀpōtoro 21:13

He pāhono mai e Pauro: «¿He aha rā a kōrua e haka mamae ena i tōꞌoku māhatu hai taŋi o kōrua? Taꞌe nō mo here-here a au e noho atu ena, ꞌātā mo mate takoꞌa ꞌi Hērutarema o ruŋa i a Ietū, he Pūꞌoko Haka Tere o tātou».

Karatia 5:26

ꞌI roto i a tātou, ꞌina ko manaꞌu i hau rō atu tātou ki te rua, ꞌina ko haka tātake i te kope e tahi ki te rua ꞌe ꞌina ko mākota.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Timoteo 4:8

Te haka aŋa i te hakari mo haka hio-hio e hauhaꞌa rō ꞌā, ꞌe te ꞌite mo moꞌa ꞌe mo haꞌatura ki te ꞌAtua ꞌata hau rō atu i te hauhaꞌa, ꞌe taꞌe mo te noho iŋa ꞌi te ao nō nei, pē ira ꞌana mo te noho iŋa ka oho mai ena.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.