1 Kōrinto 13:2 - Rapa Nui

² ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 13:2 ပူးပေါင်းရင်းမြစ်များ

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 17:20

He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 21:19

He takeꞌa i te tumu pika e tahi ꞌi te ara. He haka hāhine, he uꞌi ꞌe ꞌina kai ravaꞌa e tahi meꞌe, he raupā nō. He kī ia ki tū tumu pika era: «¡Ki te hora hopeꞌa e ko ai haka ꞌou taꞌa pika!». Kai roa he paka-paka tū tumu era.

Māteo 21:21

He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.

Aŋa o te ꞌĀpōtoro 13:1

ꞌI roto i te nūnaꞌa taŋata o Antiokia ⌊haka moe i te manaꞌu⌋ ꞌi ruŋa i a Ietū te perofeta ꞌe te maꞌori hāpī: ko Verenāvē, ko Tīmona, kī takoꞌa ko ꞌUri-ꞌuri, ko Rūtio o Tīrene, ko Sauro, ꞌe ko Menaheme, hāŋai e te matuꞌa o ⌊ꞌErore Antipa⌋. (O te ꞌErore nei te haka tere a Karirea).

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 11:4

Mo puꞌa o te taŋata i tōꞌona pūꞌoko ꞌi te hora pure ꞌo ꞌi te hora haka ꞌite i te roŋo vaꞌai ki a ia e te ꞌAtua, e taꞌe moꞌa ꞌana i te Kiritō.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 13:1

Mo vānaŋa ōꞌoku rauhuru ꞌarero o te ao nei, ꞌe ꞌātā i te ꞌarero vānaŋa e te merahi, ꞌe ꞌina o roto i a au te haŋa mo te rua, te meꞌe nō era ꞌāꞌaku mo kī he pōŋeha nō atu e tahi pa he pahu e tiŋi-tiŋi ꞌā.

1 Kōrinto 13:3

ꞌE mo tuhaꞌa ōꞌoku ki te nuꞌu veve i te meꞌe taꞌatoꞌa ꞌāꞌaku, ꞌe ꞌātā he vaꞌai a au i tōꞌoku hakari mo tutu ꞌi roto i te ahi, ꞌe ꞌina a au he haŋa ki te rua, ꞌina ia e tahi hauhaꞌa o rā meꞌe.

1 Kōrinto 13:8

Te ŋā meꞌe ena he vānaŋa i te meꞌe haka ꞌite e te ꞌAtua, he vānaŋa i te ꞌarero taꞌe ꞌite, ꞌe he ꞌite o ruŋa i te meꞌe hōhonu o te ꞌAtua, e tano rō te mahana he ŋaro, ꞌe te meꞌe ena he haŋa e ko ŋaro ki te hora hopeꞌa.

1 Kōrinto 14:29

Pē ira takoꞌa ꞌana, mo ai o te nuꞌu vānaŋa i te meꞌe haka ꞌite e te ꞌAtua, hoko rua ꞌo hoko toru ana vānaŋa, ꞌe mo te tētahi e uꞌi hoki rā vānaŋa o te ꞌAtua mau ꞌā.

1 Kōrinto 14:39

E te taina ōꞌoku ē, e haŋa kōrua ki te meꞌe he vānaŋa i te meꞌe haka ꞌite atu e te ꞌAtua vaꞌai e te Vārua Maitai mo aŋa i te aŋa o te ꞌAtua. ꞌE ꞌina ko taꞌe haꞌatiꞌa i te nuꞌu mo vānaŋa hai ꞌarero kē taꞌe ꞌite e rāua haka vānaŋa e te Vārua Maitai.

1 Kōrinto 14:4

Te kope vānaŋa i te ꞌarero kē taꞌe ꞌite e ia mōꞌona mau nō te riva-riva, ꞌe te kope vānaŋa i te meꞌe haka ꞌite e te ꞌAtua, mo te nūnaꞌa taꞌatoꞌa o te taŋata ⌊haka moe i te manaꞌu⌋ ꞌi ruŋa i a Ietū te riva-riva.

1 Kōrinto 15:51

ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

1 Kōrinto 4:1

E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

1 Kōrinto 7:19

Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

1 Kōrinto 8:4

ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua.

2 Kōrinto 12:11

He hape o kōrua i vānaŋa maꞌa-maꞌa atu ai a au o ruŋa i a au; mo kōrua, paꞌi, e vānaŋa riva-riva o ruŋa i a au. Taꞌe te ŋā ⌊ꞌāpōtoro⌋ reo-reo ena ꞌata hau ki a au, ka ai atu taꞌe a au he kope hōnui.

Karatia 5:16

ꞌO ira, ꞌī a au he kī atu: e haka rē mo haka tere atu i a kōrua e te Vārua Maitai, ꞌo aŋa i te meꞌe taꞌe tano pohe nō e te hakari.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Ēfeto 3:4

Ki taiꞌo, he aŋi-aŋi e kōrua e ꞌite rō ꞌana a au i rā parautiꞌa era o ruŋa i a Ietū,

Ēfeto 6:19

E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Kōrosa 1:26

Nei roŋo he parautiꞌa taꞌe haka ꞌite era e te ꞌAtua ꞌi muꞌa ꞌā ki te taŋata ꞌe, hora nei, nā ko haka ꞌite mai ꞌana ki a tātou ki tāꞌana nuꞌu,

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

1 Iovani 4:8

ꞌE te kope taꞌe haŋa ki te rua, ꞌina he māhani i te ꞌAtua; te ꞌAtua, paꞌi, he haŋa.