1 Kōrinto 12:4 - Rapa Nui

⁴ ꞌI roto i a tātou i te nūnaꞌa taŋata haka moe i te manaꞌu ꞌi ruŋa i a Ietū e ai rō ꞌā huru kē huru kē te meꞌe vaꞌai mai mo aŋa i te aŋa o te ꞌAtua. Ka ai atu pē ira, o te kope mau nō e tahi te vaꞌai mai, o te Vārua Maitai.

1 Kōrinto 12:4 ပူးပေါင်းရင်းမြစ်များ

1 Kōrinto 12:1

E te taina, e haŋa rō ꞌana a au mo aŋi-aŋi riva-riva e kōrua o ruŋa i te meꞌe vaꞌai mai e te Vārua Maitai ki a tātou, ki te nuꞌu ⌊haka moe i te manaꞌu⌋ ꞌi ruŋa i a Ietū, mo aŋa i te aŋa o te ꞌAtua.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

1 Kōrinto 12:5

E ai takoꞌa rō ꞌā rauhuru rāveꞌa mo tāvini. Ka ai atu pē ira, ki te kope mau nō e tahi e tāvini ena, ki a Ietū Kiritō, he Pūꞌoko Haka Tere o tātou.

1 Kōrinto 7:7

ꞌĀhani ꞌō kōrua pē au ꞌā takoꞌa: ꞌina he viꞌe. ꞌE, ka ai atu pē ira, e ꞌite rō ꞌana a au: te ꞌAtua i aŋa ai i te taŋata taꞌe pē tū huru tahi ꞌā: tētahi i aŋa ai mo hāipo-ipo ꞌe tētahi mo taꞌe hāipo-ipo.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.