1 Kōrinto 12:3 - Rapa Nui

³ ꞌO ira e haŋa ꞌana a au mo ꞌite o kōrua: ꞌina e tahi kope haka tere e te Vārua Maitai tohu i a Ietū, ꞌe ꞌina e tahi kope taꞌe o te Vārua Maitai te haka tere kī: a Ietū he Pūꞌoko Haka Tere ōꞌona.

1 Kōrinto 12:3 ပူးပေါင်းရင်းမြစ်များ

Māteo 22:43

He kī e Ietū: —¿He aha ia a Tāvita i kī ai te Kiritō he Pūꞌoko Haka Tere ōꞌona ꞌi te hora haka vānaŋa era e te ⌊Vārua Maitai⌋? Pē nei, paꞌi, i kī ai:

Marko 9:39

He pāhono e Ietū: —E haka rē kōrua i a ia. ꞌIna e tahi kope aŋa i te mana hai ꞌīŋoa ōꞌoku kī i te vānaŋa taꞌe tano o ruŋa i a au.

Iovani 13:13

A kōrua e kī mai ena: “e te Maꞌori”, ꞌe, takoꞌa, “e te Pūꞌoko Haka Tere ē”. Ko tano ꞌana, he aŋi mau ꞌā to kōrua.

Iovani 13:14

Mo ai a au, te Maꞌori ꞌe te Pūꞌoko Haka Tere o kōrua, ko haka hopu atu ꞌana i te kōrua vaꞌe, pē ira takoꞌa ꞌana a kōrua ana aŋa ꞌi roto i a kōrua.

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Aŋa o te ꞌĀpōtoro 8:37

He kī e Feripe: —Mo haka moe parautiꞌa ōꞌou i tuꞌu manaꞌu ꞌi ruŋa i a Ietū, ꞌina he meꞌe mo taꞌe haꞌatiꞌa atu. He pāhono e tū taŋata era: —Mōꞌoku a Ietū Kiritō he Poki o te ꞌAtua.]

Rōmano 10:9

Mo kī ōꞌou ꞌi muꞌa i te taŋata: a Ietū he Pūꞌoko Haka Tere ōꞌou, ꞌe mo manaꞌu ōꞌou hai māhatu: te ꞌAtua i haka ora rō i a Ietū mai te mate, he eꞌa ia koe mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

Rōmano 9:3

mo tōꞌoku taina he itaraera. ꞌĀhani hai vaꞌai ōꞌoku i a au mo haka ūtuꞌa e te ꞌAtua, ꞌe hai haꞌataꞌa ōꞌoku i a au mai te ⌊Kiritō⌋ he riva a au mo hāꞌūꞌū ki a rāua mo ⌊haka moe i te manaꞌu⌋ ꞌi ruŋa i a Ietū, ko meꞌe era ꞌana e au.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 3:5

E ko tano mātou mo kī: hai mārama-rama mau ꞌā o mātou e aŋa nei; ko ꞌite riva-riva ꞌana, paꞌi, e mātou: o te ꞌAtua te vaꞌai mai i te mārama-rama mo aŋa i nei aŋa.

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Meꞌe Haka Takeꞌa 1:10

ꞌI ira, ꞌi te mahana tāpati e tahi, mahana o te ꞌAtua, he haka moe vārua i a au e te ⌊Vārua Maitai⌋, ꞌe he ŋaroꞌa e au i te reꞌo pūai pa he koneta ꞌi tuꞌa i a au