1 Kōrinto 12:11 - Rapa Nui

¹¹ O te Vārua Maitai mau ꞌā e tahi mau nō te vaꞌai i te ŋā meꞌe taꞌatoꞌa nei, ꞌe ꞌāꞌana te vaꞌai ki te kope nō era ꞌāꞌana i haŋa.

1 Kōrinto 12:11 ပူးပေါင်းရင်းမြစ်များ

Māteo 11:26

ꞌĒ-ē, pē ira mau ꞌā a koe i haŋa ai, e Koro ē».

Māteo 20:15

he kape a au o tōꞌoku moni mo aŋa i tāꞌaku meꞌe i haŋa. ¿ꞌO ko hū ꞌana koe ꞌo te ai taŋata riva a au?”

Iovani 3:27

He kī e Iovani: —Mo ai rō o te pūai o te taŋata e tahi, o te ꞌAtua i vaꞌai.

Iovani 3:8

Te tokerau e puhi ena a te kona taꞌatoꞌa nō; ka ŋaroꞌa atu e koe, e ko ꞌite koe mai hē ꞌe kī hē ka oho era. Pē ira te aŋa iŋa o te Vārua Maitai ꞌi ruŋa i te taŋata poreko haka ꞌou hai pūai ōꞌona.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Rōmano 12:6

Te ꞌAtua, paꞌi, ꞌi tōꞌona riva rahi, ko vaꞌai mai ꞌana ki a tātou taꞌatoꞌa huru kē huru kē te meꞌe mo aŋa i tāꞌana aŋa. Mo ai o rā meꞌe vaꞌai mai era he vānaŋa i te meꞌe haka ꞌite mai e te ꞌAtua, e haka ꞌite hai pūai o te tātou haka moe iŋa i te manaꞌu ꞌi ruŋa i a ia.

Rōmano 9:18

Hai meꞌe nei e ꞌite ena e tātou: te nuꞌu haŋa e te ꞌAtua mo haka ꞌaroha, he haka ꞌaroha, ꞌe te nuꞌu haŋa mo haka hio-hio i te manaꞌu, he haka hio-hio e ia i te manaꞌu.

1 Kōrinto 12:18

Te ꞌAtua meꞌe rahi nō atu kona o te hakari i aŋa ai ꞌe i haka rē ai i rā ŋā kona ꞌi te kona manaꞌu e ia e tano rō ꞌā.

1 Kōrinto 12:4

ꞌI roto i a tātou i te nūnaꞌa taŋata haka moe i te manaꞌu ꞌi ruŋa i a Ietū e ai rō ꞌā huru kē huru kē te meꞌe vaꞌai mai mo aŋa i te aŋa o te ꞌAtua. Ka ai atu pē ira, o te kope mau nō e tahi te vaꞌai mai, o te Vārua Maitai.

1 Kōrinto 12:6

ꞌE, huru kē huru kē te meꞌe aŋa e tātou hai pūai o te ꞌAtua. Ka ai atu pē ira, o te kope mau nō e tahi te vaꞌai mai i rā pūai, o te ꞌAtua.

1 Kōrinto 7:17

Huru kē huru kē te tātou noho iŋa i vaꞌai mai ai e te tātou Pūꞌoko Haka Tere ko Ietū Kiritō: kē mo taureꞌa-reꞌa, kē mo hāipo-ipo, kē mo ꞌekaravo, mo taꞌe ꞌekaravo, mo ⌊hūrio⌋ ꞌe mo taꞌe hūrio. ꞌE tāꞌana meꞌe haŋa: he noho he oho taꞌatoꞌa o tātou pa he hora kī mai era e ia ꞌi roto i te tātou māhatu mo haka moe i te manaꞌu ꞌi ruŋa i a Ietū. Ko te meꞌe nei te meꞌe hāpī e au ꞌi roto i te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

1 Kōrinto 7:7

ꞌĀhani ꞌō kōrua pē au ꞌā takoꞌa: ꞌina he viꞌe. ꞌE, ka ai atu pē ira, e ꞌite rō ꞌana a au: te ꞌAtua i aŋa ai i te taŋata taꞌe pē tū huru tahi ꞌā: tētahi i aŋa ai mo hāipo-ipo ꞌe tētahi mo taꞌe hāipo-ipo.

2 Kōrinto 10:13

A mātou, taꞌe pa he nuꞌu nei. ꞌI te hora vānaŋa o mātou o ruŋa i te mātou aŋa mo te ꞌAtua, e hāito rō ꞌana te mātou meꞌe kī ki te meꞌe haꞌatiꞌa nō mai e te ꞌAtua. ꞌE o te ꞌAtua te kī mai ꞌātā ki kona hē ana tuꞌu te mātou aŋa, ꞌe ꞌāꞌana te haꞌatiꞌa mai i a mātou mo tuꞌu atu ꞌātā ki a kōrua ena ꞌi Kōrinto.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 4:7

Ki te taꞌatoꞌa nō o tātou i vaꞌai mai ai e Ietū huru kē huru kē te meꞌe mo aŋa i te aŋa o te ꞌAtua, he meꞌe i haŋa e ia mo vaꞌai mai.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.