1 Kōrinto 12:10 - Rapa Nui

¹⁰ E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

1 Kōrinto 12:10 ပူးပေါင်းရင်းမြစ်များ

Marko 16:17

Te nuꞌu haka moe i te manaꞌu ꞌi ruŋa i a au e aŋa rō i te meꞌe ka takeꞌa era e te taŋata he aŋi-aŋi: i rā nuꞌu te mana o te ꞌAtua. Te nuꞌu nei e haka eꞌa rō i te tātane mai roto i te taŋata hai ꞌīŋoa ōꞌoku, ꞌe e vānaŋa rō i te ꞌarero kē taꞌe i hāpī e rāua.

Marko 16:20

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

Ruka 24:49

ꞌE a au e haka turu rō mai ki ruŋa i a kōrua i te ⌊Vārua Maitai⌋ hōrea atu e tōꞌoku Matuꞌa. Ka noho kōrua ꞌi nei ꞌi Hērutarema ꞌātā ki te topa iŋa atu ōꞌona ki ruŋa i a kōrua».

Iovani 14:12

ꞌE ꞌī a au he kī atu: te kope haka moe i tōꞌona manaꞌu ꞌi ruŋa i a au, e aŋa takoꞌa rō i te meꞌe aŋa e au, ꞌe he aŋa takoꞌa i te meꞌe ꞌata hau rō atu hai oho ōꞌoku ki te kona era ꞌi ira te Matuꞌa.

Iovani 16:13

Ki tuꞌu mai te Vārua o te parautiꞌa, he haka aŋi-aŋi he oho atu i te parautiꞌa taꞌatoꞌa o te ꞌAtua. Taꞌe hai manaꞌu ōꞌona ꞌā ka vānaŋa atu ena, hai meꞌe i ŋaroꞌa e ia, ꞌe he haka ꞌite takoꞌa atu he aha te meꞌe ka topa ena.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 11:27

ꞌI rā ŋā mahana, i oho ai te tētahi nuꞌu perofeta mai Hērutarema ki Antiokia.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 19:6

I haka puā era e Pauro i te rima, he turu takoꞌa ki ruŋa i rā nuꞌu te Vārua Maitai ꞌe he haꞌamata he vānaŋa hai ꞌarero kē-kē, ꞌe he kī i te meꞌe i haka vānaŋa e te ꞌAtua.

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.

Rōmano 12:6

Te ꞌAtua, paꞌi, ꞌi tōꞌona riva rahi, ko vaꞌai mai ꞌana ki a tātou taꞌatoꞌa huru kē huru kē te meꞌe mo aŋa i tāꞌana aŋa. Mo ai o rā meꞌe vaꞌai mai era he vānaŋa i te meꞌe haka ꞌite mai e te ꞌAtua, e haka ꞌite hai pūai o te tātou haka moe iŋa i te manaꞌu ꞌi ruŋa i a ia.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

1 Kōrinto 11:4

Mo puꞌa o te taŋata i tōꞌona pūꞌoko ꞌi te hora pure ꞌo ꞌi te hora haka ꞌite i te roŋo vaꞌai ki a ia e te ꞌAtua, e taꞌe moꞌa ꞌana i te Kiritō.

1 Kōrinto 13:8

Te ŋā meꞌe ena he vānaŋa i te meꞌe haka ꞌite e te ꞌAtua, he vānaŋa i te ꞌarero taꞌe ꞌite, ꞌe he ꞌite o ruŋa i te meꞌe hōhonu o te ꞌAtua, e tano rō te mahana he ŋaro, ꞌe te meꞌe ena he haŋa e ko ŋaro ki te hora hopeꞌa.

1 Kōrinto 14:13

Te kope ki a ia te meꞌe i vaꞌai ai he vānaŋa i te ꞌarero kē taꞌe ꞌite e ia e ani ki te ꞌAtua mo vaꞌai i te pūai mo haꞌaauraꞌa i tāꞌana vānaŋa era.

1 Kōrinto 14:39

E te taina ōꞌoku ē, e haŋa kōrua ki te meꞌe he vānaŋa i te meꞌe haka ꞌite atu e te ꞌAtua vaꞌai e te Vārua Maitai mo aŋa i te aŋa o te ꞌAtua. ꞌE ꞌina ko taꞌe haꞌatiꞌa i te nuꞌu mo vānaŋa hai ꞌarero kē taꞌe ꞌite e rāua haka vānaŋa e te Vārua Maitai.

Karatia 3:5

Ka haka topa rā te kōrua manaꞌu he aha te ꞌAtua e vaꞌai atu ena i te Vārua Maitai ꞌe e aŋa ena i te mana ꞌi roto i a kōrua. ꞌO te haka moe o kōrua i te manaꞌu ꞌi ruŋa i a Ietū ꞌe ꞌi ruŋa i tāꞌana roŋo, taꞌe ꞌō ꞌo te haꞌatura ki te haka tere iŋa ꞌa Mōtē.

1 Tētārōnika 5:20

ꞌIna ko taꞌe haka au i te vānaŋa haka ꞌite atu e ia hai rua kope.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.