1 Kōrinto 11:27 - Rapa Nui

²⁷ Kope nō era mo kai i te haraoa ꞌe mo unu i te vino haka manaꞌu i te mate o te tātou Pūꞌoko Haka Tere ꞌe ꞌina he moꞌa ꞌe ꞌina he manaꞌu i te haꞌaauraꞌa parautiꞌa o rā meꞌe, e hara ꞌana ki te hakari ꞌe ki te toto mau era ꞌā o te tātou Pūꞌoko Haka Tere.

1 Kōrinto 11:27 ပူးပေါင်းရင်းမြစ်များ

Māteo 22:11

»I uru era te ꞌariki uꞌi i te nuꞌu tuꞌu, he takeꞌa i te taŋata e tahi ꞌina he uru i te kahu tano mo te ŋoŋoro hāipo-ipo.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

1 Kōrinto 10:21

E ko tano, paꞌi, a au mo unu ꞌe mo kai i te meꞌe haka manaꞌu i te mate o te tātou Pūꞌoko Haka Tere ko Ietū Kiritō ꞌe, ꞌi ruŋa ꞌā, mo unu ꞌe mo kai i te meꞌe tūtia ki te tātane.

1 Kōrinto 11:29

ꞌE mo kai ꞌe mo unu tahaŋa nō ꞌina kai manaꞌu hia, e kimi ꞌana koe i toꞌu ūtuꞌa.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.