1 Kōrinto 11:25 - Rapa Nui25 ꞌE pē ira takoꞌa ꞌana, i oti era te kai, he toꞌo i te hapaina vino ki tōꞌona rima ꞌe he kī: «Te meꞌe nei he toto ōꞌoku ka pariŋi ena mo kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋. E aŋa i te meꞌe nei pa he meꞌe mo manaꞌu ki a au». Pē ira i kī ai e Ietū. အခန်းကိုကြည့်ပါ။ |
1 Kōrinto 11:25
11 ပူးပေါင်းရင်းမြစ်များ
Hora ena o tātou o te nuꞌu ⌊haka moe i te manaꞌu⌋ ꞌi ruŋa i a Ietū e piri ena mo haka manaꞌu o ruŋa i tōꞌona mate, e ai rō ꞌana te tātou meꞌe unu, ꞌe mo rā meꞌe e māuru-uru nei tātou ki te ꞌAtua. He tāpaꞌo ko maꞌitaki ꞌana tātou ꞌi te toto o te Kiritō. ꞌE te haraoa mo-more kai e tātou he tāpaꞌo pē nei ē: mo tātou takoꞌa te meꞌe riva-riva ravaꞌa hai mate era o te Kiritō.
ꞌE te itaraera, ꞌātā ki te hora nei, ꞌina he haŋa mo aŋi-aŋi pē nei ē: te haka tere iŋa tuai o te ꞌAtua ananake ko te taŋata he meꞌe mo ŋaro. E taiꞌo ena i rā haka tere iŋa, e tuꞌu rō ꞌā pa he meꞌe ena ē: e ai rō ꞌā te meꞌe puru i te rāua manaꞌu ꞌo aŋi-aŋi i te parautiꞌa. ꞌE te meꞌe mau nō mo kume i te meꞌe puru i te rāua manaꞌu ꞌo aŋi-aŋi he ⌊haka moe i te manaꞌu⌋ ꞌi ruŋa i a Ietū.
Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.
ကြော်ငြာတွေ