1 Kōrinto 11:20 - Rapa Nui

²⁰ E taka-taka ena, paꞌi, kōrua mo kai i te kai haka manaꞌu i te mate o te tātou Pūꞌoko Haka Tere, e hopeꞌa ena taꞌe toe mo manaꞌu ki a ia,

1 Kōrinto 11:20 ပူးပေါင်းရင်းမြစ်များ

Aŋa o te ꞌĀpōtoro 2:42

ꞌE a rāua e maꞌu e oho nō ꞌana i te meꞌe taꞌatoꞌa hāpī e te ꞌāpōtoro, ꞌe te aŋa takoꞌa he haka taka-taka mo pure ꞌe mo mo-more i te haraoa mo manaꞌu i te mate iŋa o Ietū.

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

1 Kōrinto 11:17

Te meꞌe nei ꞌāꞌaku ka pāpaꞌi atu ena taꞌe mo koa o kōrua. I ꞌite ai a au e taka-taka ena kōrua mo haꞌamuri ki te ꞌAtua, he meꞌe rake-rake te meꞌe ai, taꞌe he meꞌe riva-riva.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

1 Kōrinto 11:21

ꞌi te meꞌe era ꞌi te hora o te kai, e ai rō ꞌā te nuꞌu kai raꞌe, ꞌina he tiaki ki te tētahi nuꞌu. Pē ira e ai ena te nuꞌu oho mai te kona taka-taka o kōrua e maruaki rō ꞌā, ꞌe tētahi e taꞌero rō ꞌana.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

2 Pētero 2:13

koia ko ꞌamo i te ꞌati, he ꞌauhau o te meꞌe taꞌe tano i aŋa ki te tētahi. E koa rō ꞌana i te vaꞌai i a rāua ki te noho iŋa taꞌe tano ꞌātā ꞌi te ꞌōtea, ꞌe ꞌina he haꞌamā haka ꞌou. A rāua, ꞌi te hora hokorua atu ꞌi te kōrua ŋoŋoro, he ꞌati ꞌe he haꞌamā e tahi ꞌi te meꞌe taꞌe tano ꞌe reo-reo aŋa oho e rāua mo reka.

Hura 1:12

Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.