1 Kōrinto 11:17 - Rapa Nui

¹⁷ Te meꞌe nei ꞌāꞌaku ka pāpaꞌi atu ena taꞌe mo koa o kōrua. I ꞌite ai a au e taka-taka ena kōrua mo haꞌamuri ki te ꞌAtua, he meꞌe rake-rake te meꞌe ai, taꞌe he meꞌe riva-riva.

1 Kōrinto 11:17 ပူးပေါင်းရင်းမြစ်များ

Rōmano 13:3

Te nuꞌu aŋa i te meꞌe tano ꞌina he riꞌa-riꞌa ꞌi te nuꞌu pūꞌoko haka tere henua. He nuꞌu aŋa i te meꞌe taꞌe tano te nuꞌu riꞌa-riꞌa. ¿E haŋa rō ꞌana koe mo taꞌe riꞌa-riꞌa ꞌi te nuꞌu pūꞌoko haka tere henua? ꞌIna ia ko aŋa i te meꞌe taꞌe tano. Pē ira he tano koe ki te rāua mata.

1 Kōrinto 11:2

E koa rō ꞌana a au ꞌo te rava manaꞌu mai o kōrua ki a au ꞌe, takoꞌa, ꞌo te maꞌu ꞌo te oho nō o kōrua i te hāpī haka ꞌite atu era e au.

1 Kōrinto 11:20

E taka-taka ena, paꞌi, kōrua mo kai i te kai haka manaꞌu i te mate o te tātou Pūꞌoko Haka Tere, e hopeꞌa ena taꞌe toe mo manaꞌu ki a ia,

1 Kōrinto 11:22

¿Ka kī ꞌō ꞌina kōrua hare mo kai ꞌe mo unu ꞌi ira? ¿He aha kōrua e taꞌe moꞌa ena i te nūnaꞌa taŋata haka moe i te manaꞌu ꞌi ruŋa i a Ietū? ¿He aha e haka haꞌamā ena i te nuꞌu ꞌina rāua meꞌe? ¿He aha tāꞌaku meꞌe mo kī atu? ¿Ko koa ꞌana a au? ꞌIna a au kai koa.

1 Kōrinto 11:34

ꞌE mo maruaki o te kope e tahi o roto i a kōrua, ka kai rō ꞌai ꞌi tōꞌona hare, ꞌo haka ūtuꞌa i a kōrua e te ꞌAtua, he taꞌe tano o te kōrua haka tere iŋa ꞌi te hora haka taka-taka mo manaꞌu i te mate o te tātou Pūꞌoko Haka Tere. ꞌE te tētahi meꞌe ꞌui mai era e kōrua, ki tuꞌu atu a au ana haka ꞌite atu.

1 Kōrinto 14:23

Pē nei te auraꞌa: mo ai ko taka-taka ꞌā a kōrua mo haꞌamuri i te ꞌAtua, ꞌe he tuꞌu atu ki roto i a kōrua te nuꞌu taꞌe haka moe i te manaꞌu ꞌi ruŋa i a Ietū ꞌe te nuꞌu taꞌe aŋi-aŋi o ruŋa i te ŋā meꞌe nei, ꞌe he ŋaroꞌa i a kōrua taꞌatoꞌa e vānaŋa ꞌā ꞌi te ꞌarero huru kē huru kē, he manaꞌu ko maꞌa-maꞌa tahi ꞌana kōrua.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

1 Pētero 2:14

ꞌe ki te suerekao uŋa e ia mo haka ūtuꞌa i te nuꞌu aŋa i te meꞌe taꞌe tano ꞌe mo haka paka mo haka nui-nui i te nuꞌu aŋa i te meꞌe tano.