1 Kōrinto 11:16 - Rapa Nui

¹⁶ Mo manaꞌu o te kope e tahi e hape rō ꞌana tāꞌaku meꞌe vānaŋa atu ena, he kī atu a au: he meꞌe nei te meꞌe hāpī e mātou e te ⌊ꞌāpōtoro⌋, ꞌe he meꞌe maꞌu e te nuꞌu haka moe i te manaꞌu ꞌi ruŋa i a Ietū ꞌi te kona taꞌatoꞌa.

1 Kōrinto 11:16 ပူးပေါင်းရင်းမြစ်များ

Aŋa o te ꞌĀpōtoro 21:21

I ŋaroꞌa rō e rāua e hāpī e oho ꞌana koe ki te hūrio taꞌatoꞌa noho i te tētahi henua mo taꞌe haꞌatura haka ꞌou ki te haka tere iŋa ꞌa Mōtē, mo taꞌe hore o te kiri o te kinoŋa o te ŋā poki, ꞌe mo taꞌe maꞌu haka ꞌou i te tātou haka tere iŋa.

Aŋa o te ꞌĀpōtoro 21:24

ka maꞌu ꞌi muri i a koe, ka ⌊haka maꞌitaki⌋ kōrua mo haka tano ki te haka tere iŋa o tātou o te hūrio. E ꞌauhau te rāua meꞌe mo tūtia, ki riva ai a rāua mo haka varu i te pūꞌoko mo haka takeꞌa ko oti ꞌā te rāua hōrea. Pē ira te nuꞌu taina hūrio ka uꞌi ena he reo-reo te vānaŋa kī o ruŋa i a koe, ꞌe he ꞌite ko te haꞌatura iŋa ꞌā a koe i te haka tere iŋa ꞌa Mōtē.

1 Kōrinto 11:15

ꞌE mo te viꞌe he meꞌe nehe-nehe e tahi te rauꞌoho ro-roa vaꞌai ki a ia e te ꞌAtua pa he meꞌe mo ꞌapi o tōꞌona pūꞌoko.

1 Kōrinto 16:1

Te haka taka-taka i te moni mo te nuꞌu haꞌataꞌa e te ꞌAtua māꞌana o Hērutarema, e aŋa pa he meꞌe haka ꞌite e au ki te nūnaꞌa taꞌatoꞌa ⌊haka moe i te manaꞌu⌋ ꞌi ruŋa i a Ietū o te ŋā kona taꞌatoꞌa era o Karatia.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

1 Kōrinto 7:17

Huru kē huru kē te tātou noho iŋa i vaꞌai mai ai e te tātou Pūꞌoko Haka Tere ko Ietū Kiritō: kē mo taureꞌa-reꞌa, kē mo hāipo-ipo, kē mo ꞌekaravo, mo taꞌe ꞌekaravo, mo ⌊hūrio⌋ ꞌe mo taꞌe hūrio. ꞌE tāꞌana meꞌe haŋa: he noho he oho taꞌatoꞌa o tātou pa he hora kī mai era e ia ꞌi roto i te tātou māhatu mo haka moe i te manaꞌu ꞌi ruŋa i a Ietū. Ko te meꞌe nei te meꞌe hāpī e au ꞌi roto i te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

1 Kōrinto 9:1

Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.

1 Kōrinto 9:6

¿Pē nei hō te kī o kōrua: ko māua ko Verenāvē mau nō te meꞌe mo taꞌe hāꞌūꞌū mai e te nūnaꞌa taŋata ⌊haka moe i te manaꞌu⌋ ꞌi ruŋa i a Ietū?

1 Tētārōnika 2:14

E te taina, te ꞌati topa atu era, he tute atu mo tōtōā i a kōrua e te nuꞌu o te kōrua henua, i topa takoꞌa rō ki te nūnaꞌa taŋata haka moe i te manaꞌu ꞌi ruŋa i a Ietū o te kona era ko Hūrea. A rāua, paꞌi, i tute takoꞌa rō e te nuꞌu o te rāua henua, he ⌊hūrio⌋, mo tōtōā.