1 Kōrinto 11:12 - Rapa Nui

¹² He parautiꞌa te meꞌe ena: te viꞌe raꞌe i aŋa ai mai te taŋata, ꞌe he parautiꞌa takoꞌa, te taŋata e poreko ena mai roto i te viꞌe. ꞌE te meꞌe taꞌatoꞌa mai te ꞌAtua e ai ena.

1 Kōrinto 11:12 ပူးပေါင်းရင်းမြစ်များ

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

1 Kōrinto 11:11

ꞌI te haka tere iŋa o tātou o te nuꞌu ⌊haka moe i te manaꞌu⌋ ꞌi ruŋa i a Ietū, te taŋata ꞌe te viꞌe e ai ena mo hāꞌūꞌū ki a rāua, te viꞌe ki te taŋata ꞌe te taŋata ki te viꞌe.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

2 Kōrinto 5:18

Te meꞌe taꞌatoꞌa nei he aŋa o te ꞌAtua haka riva-riva i a tātou ki a ia hai Ietū Kiritō, ꞌe vaꞌai mai i te aŋa he haka ꞌite pē hē te taŋata ana riva-riva ki a ia.