1 Kōrinto 11:1 - Rapa Nui

¹ E te taina, e haka tere kōrua pē au, pa he haka tere iŋa nei ōꞌoku i a au pa he ⌊Kiritō⌋.

1 Kōrinto 11:1 ပူးပေါင်းရင်းမြစ်များ

1 Kōrinto 10:33

E meꞌe kōrua pē au. Te meꞌe aŋa, paꞌi, ꞌāꞌaku he uꞌi i te rāveꞌa mo haka koa i te taꞌatoꞌa. ꞌIna a au he uꞌi i te meꞌe mo tōꞌoku riva-riva nō, mo te riva-riva takoꞌa o te rua a au e uꞌi nei, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 4:16

ꞌO ira ꞌī a au he ani atu: e haka tano te kōrua manaꞌu ꞌe te kōrua noho iŋa pē au.

Fīripo 3:17

E te taina, e haka tano te kōrua noho iŋa pa he noho iŋa ōꞌoku ꞌe o te nuꞌu te rāua noho iŋa pa he noho iŋa takeꞌa e kōrua ꞌi ruŋa i a au.

1 Tētārōnika 1:6

ꞌE a kōrua ko haka tano ꞌana i te kōrua noho iŋa pa he noho iŋa ꞌana o mātou, ꞌe pa he noho iŋa takoꞌa o te tātou Pūꞌoko Haka Tere ko Ietū Kiritō. ꞌE, ka ai atu e topa rō atu ꞌana te ꞌati ꞌi ruŋa i a kōrua, i toꞌo nō kōrua i te roŋo nei mo kōrua hai koa vaꞌai atu e te Vārua Maitai.

2 Tētārōnika 3:9

ka ai atu e tano rō ꞌā a mātou mo kī atu mo hāꞌūꞌū mai. ꞌE i aŋa a mātou mo haka takeꞌa atu ki a kōrua pē hē kōrua ana haka tere i a kōrua.

ꞌEvereo 6:12

ꞌE ꞌina a mātou he haŋa mo hupe-hupe o kōrua. Ka aŋa ka oho nō, pa he meꞌe aŋa e te nuꞌu ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. I a rāua te meꞌe hōrea e te ꞌAtua.