1 Kōrinto 10:6 - Rapa Nui

⁶ Te meꞌe topa era ki a rāua e toꞌo pa he hāpī mo tātou, ꞌo haŋa ki te meꞌe taꞌe tano, pa he haŋa iŋa era o rāua.

1 Kōrinto 10:6 ပူးပေါင်းရင်းမြစ်များ

Rōmano 5:14

Mai te hora o ꞌĀtamu ki te hora o ⌊Mōtē⌋, te meꞌe mo te nuꞌu hara he mate, ka ai atu te rāua hara taꞌe he taꞌe haꞌatura ki te meꞌe kī e te ꞌAtua mo aŋa, pa he hara o ꞌĀtamu, kope pa he kope era mo oho mai ko Ietū Kiritō.

1 Kōrinto 10:11

Te meꞌe taꞌatoꞌa topa era ki te tupuna e toꞌo pa he hāpī mo tātou. ꞌE te ŋā meꞌe nei ko pāpaꞌi ꞌana ꞌi ruŋa i te Pāpaꞌi Moꞌa mo ꞌite o te nuꞌu noho o te hora nei hāhine ki te paꞌo iŋa o te ao: te ꞌAtua e haka ūtuꞌa rō i te nuꞌu aŋa i te meꞌe tuꞌu pē nei.

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

2 Pētero 2:6

ꞌE te ŋā kona era ko ⌊Tōroma⌋ ꞌe ko ⌊Kōmora⌋ i haka ūtuꞌa rō e te ꞌAtua hai ahi ꞌātā ka topa rō he ꞌeo-ꞌeo, mo haka takeꞌa he aha te meꞌe mo topa ki te nuꞌu aŋa i te meꞌe taꞌe tano.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.