1 Kōrinto 10:30 - Rapa Nui

³⁰ ꞌE e kī takoꞌa rō pēaha: «Mo māuru-uru a au i te kai ki te ꞌAtua, ¿he aha ia te nuꞌu ana tuhi mai i tōꞌoku hape ꞌo te kai ōꞌoku i te meꞌe ko māuru-uru era ꞌā e au ki te ꞌAtua?».

1 Kōrinto 10:30 ပူးပေါင်းရင်းမြစ်များ

Rōmano 14:16

ꞌE, takoꞌa, mo kī o te nuꞌu i te vānaŋa taꞌe tano mo te nuꞌu haka moe i te manaꞌu ꞌi ruŋa i a Ietū hai aŋa ōꞌou e tahi meꞌe, ka ai atu rā meꞌe he meꞌe taꞌe ꞌati mo te ꞌAtua, ꞌina ia koe ko aŋa.

Rōmano 14:6

Te kope haꞌamuri ki te ꞌAtua ꞌi te mahana manaꞌu e ia he mahana ꞌata hauhaꞌa mo haꞌamuri, mōꞌona he rāveꞌa e tahi mo moꞌa i te ꞌAtua. ꞌE te kope kai i te taꞌatoꞌa meꞌe ai mo kai ꞌi te manaꞌu ꞌina e tahi kai taꞌe haꞌatiꞌa e te ꞌAtua mo kai, mōꞌona he rāveꞌa takoꞌa mo moꞌa i te ꞌAtua, ꞌe he māuru-uru o ruŋa. Te kope e ai rō ꞌana tāꞌana meꞌe taꞌe kai, te taꞌe kai era ōꞌona i rā meꞌe he rāveꞌa e tahi mo haꞌamuri ki te ꞌAtua, ꞌe he māuru-uru takoꞌa o ruŋa.

1 Kōrinto 9:1

Taꞌe a au he ꞌekaravo o te manaꞌu taŋata. A au he ꞌāpōtoro. Ko takeꞌa ꞌana, paꞌi, e au i a Ietū, Pūꞌoko Haka Tere o tātou, ꞌe hai aŋa nei i haka moe ai kōrua i te manaꞌu ꞌi ruŋa i a Ietū.