1 Kōrinto 10:13 - Rapa Nui

¹³ E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

1 Kōrinto 10:13 ပူးပေါင်းရင်းမြစ်များ

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Ruka 11:4

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua. ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara».

Ruka 16:26

ꞌE taꞌe nō ꞌō ꞌo ira, e ai takoꞌa rō ꞌana ꞌi vāeŋa o tātou e tahi vaha nui-nui e haꞌataꞌa ena i a kōrua mai i a mātou. E ko tuꞌu atu te nuꞌu mo oho atu ki nā, ꞌe mai nā ki nei”.

Ruka 22:46

He kī: «¿He aha kōrua i hāꞌuru ai? Ka eꞌa ki ruŋa ka pure, ꞌo aŋa kōrua i te meꞌe taꞌe tano ꞌi te hora ka haka ꞌatu atu ena».

Aŋa o te ꞌĀpōtoro 27:44

ꞌe te tētahi ka uꞌi te rāveꞌa mo oho atu a ruŋa i te miro ꞌo a ruŋa i te pārehe-rehe pahī. Pē ira a mātou i tuꞌu ai ki ꞌuta e ora tahi nō ꞌā.

1 Kōrinto 1:9

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

2 Kōrinto 1:10

ꞌE te ꞌAtua i haka eꞌa rō i a mātou mai rā ꞌati, ꞌe ko ꞌite ꞌā e mātou pē ira ka aŋa ka oho ena. ꞌĒ-ē, ko ꞌite riva-riva ꞌana e mātou pē ira ka aŋa ka oho mai ena.

1 Tētārōnika 5:24

ꞌE, ꞌo te ai o te ꞌAtua i haꞌataꞌa i a kōrua māꞌana ꞌe a ia kope haka tano i tāꞌana meꞌe kī, e ꞌite ena e kōrua pē ira mau ꞌā ka meꞌe ena.

2 Tētārōnika 3:3

Ka ai atu pē ira, te tātou Pūꞌoko Haka Tere ko Ietū e ko taꞌe haka tano i tāꞌana meꞌe kī, ꞌe māꞌana e haka pūai ꞌe e hāpaꞌo atu ꞌo haka hara i a kōrua e Rukifero.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

ꞌEvereo 10:23

E haka hio-hio e oho nō tātou i te manaꞌu ꞌi ruŋa i te meꞌe hōrea mai era e te ꞌAtua. A ia, paꞌi, e ko taꞌe aŋa i tāꞌana meꞌe kī.

ꞌEvereo 11:11

He haka moe i te manaꞌu ꞌi ruŋa i te ꞌAtua, a Tara, viꞌe ꞌa ꞌAparahama, ka ai atu he paꞌa ꞌe ko rūꞌau riva-riva ꞌā, i tupu nō te poki ꞌo te ꞌite e ko taꞌe haka tano e te ꞌAtua i tāꞌana meꞌe hōrea.

ꞌEvereo 12:4

ꞌi te hora tōtōā atu e te nuꞌu hara. A kōrua, paꞌi, kai mate pē Ietū ꞌi te aŋa iŋa mo rē ki te hara.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

1 Pētero 4:19

ꞌO ira, te nuꞌu ꞌamo i te ꞌati ꞌo te ai pē ira te ꞌAtua i haŋa ai, e aŋa e oho nō i te meꞌe riva-riva, ꞌe e vaꞌai i a rāua ki tōꞌona rima, kope ꞌāꞌana a rāua i aŋa, ꞌe kope ki te hora hopeꞌa e ko taꞌe aŋa i tāꞌana meꞌe kī.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

1 Iovani 1:9

ꞌE mo kī o tātou ki te ꞌAtua i te tātou hara, he haka kore e ia, ꞌe he haka maꞌitaki i te meꞌe taꞌatoꞌa taꞌe tano o roto i te tātou māhatu, ꞌi te ai ōꞌona he ꞌAtua aŋa i te meꞌe tī-tika ꞌe haka tano i tāꞌana meꞌe kī.

Meꞌe Haka Takeꞌa 19:11

He uꞌi atu a au e ha-hata rō ꞌā te raŋi ꞌe he takeꞌa mai te hoi tea-tea e tahi. Te ꞌīŋoa o te kope o ruŋa: «He Kope Aŋa i Tāꞌana Meꞌe Kī» ꞌe «He Kope Parautiꞌa»; hai tī-tika, paꞌi, e haka tere ena i a ia ꞌi te hora kī i te tano ꞌe i te taꞌe tano o te taŋata ꞌe pē ira ꞌā ꞌi te hora o te tamaꞌi.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.