1 Kōrinto 10:11 - Rapa Nui

¹¹ Te meꞌe taꞌatoꞌa topa era ki te tupuna e toꞌo pa he hāpī mo tātou. ꞌE te ŋā meꞌe nei ko pāpaꞌi ꞌana ꞌi ruŋa i te Pāpaꞌi Moꞌa mo ꞌite o te nuꞌu noho o te hora nei hāhine ki te paꞌo iŋa o te ao: te ꞌAtua e haka ūtuꞌa rō i te nuꞌu aŋa i te meꞌe tuꞌu pē nei.

1 Kōrinto 10:11 ပူးပေါင်းရင်းမြစ်များ

Māteo 13:39

ꞌE tū kope taꞌe haŋa era ki te taŋata era ōꞌona te henua, pī era i te mauku rake-rake ko Rukifero. Te hora era o te hore he paꞌo o te ao, ꞌe te nuꞌu aŋa he merahi.

Māteo 13:40

»Pa he mauku rake-rake hoa mo tutu ꞌi roto i te ahi, pē ira takoꞌa ka topa ena ꞌi te paꞌo iŋa o te ao.

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Rōmano 4:23

Te vānaŋa: «Te taŋata e tano rō ꞌā ki te mata o te ꞌAtua hai haka moe i te manaꞌu ꞌi ruŋa i a ia», i pāpaꞌi ai taꞌe mo ꞌAparahama nō,

1 Kōrinto 10:6

Te meꞌe topa era ki a rāua e toꞌo pa he hāpī mo tātou, ꞌo haŋa ki te meꞌe taꞌe tano, pa he haŋa iŋa era o rāua.

1 Kōrinto 7:29

E te taina, tāꞌaku meꞌe haŋa mo kī atu: hora taꞌe rahi te hora toe o tātou mo aŋa ki te ꞌAtua. ꞌO ira, te nuꞌu hāipo-ipo e haka topa te hora mo aŋa ki te ꞌAtua, ka ai atu he nuꞌu hāipo-ipo a rāua.

1 Kōrinto 9:10

i manaꞌu ai mo tātou. Te haka tere iŋa era ꞌa Mōtē, paꞌi, i pāpaꞌi ai mo te tātou riva-riva. Te auraꞌa: te kope ꞌārote i te henua ꞌe te kope tiŋi-tiŋi i te karu tariko e aŋa ꞌā i te rāua aŋa koia ko manaꞌu e ai takoꞌa rō to rāua o rā kai ꞌoka era.

Karatia 4:24

E ai rō ꞌana te haꞌaauraꞌa o te meꞌe nei: te ŋā viꞌe nei e rua e haka takeꞌa mai ꞌā e rua rāveꞌa o te ⌊haka tere iŋa o te ꞌAtua ananake ko te taŋata⌋. Te rāveꞌa raꞌe he roŋo vaꞌai era e te ꞌAtua ki a Mōtē ꞌi ruŋa i te maꞌuŋa era ko ⌊Tinaī⌋, ꞌe te tāpaꞌo o rā haka tere iŋa ko ꞌĀkara, matuꞌa vahine o te poki ka poreko era he ꞌekaravo takoꞌa.

Fīripo 4:5

E ꞌite e te nuꞌu taꞌatoꞌa: nuꞌu riva kōrua. Te hoki iŋa mai, paꞌi, o Ietū ko hāhine ꞌana.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 10:37

E kī rō ꞌana, paꞌi, ꞌi ruŋa i te Pāpaꞌi Moꞌa: «Nā he tuꞌu mai te kope era mo oho mai; e ko roa hia.

1 Iovani 2:18

E ŋā poki ē, ko te hora hopeꞌa era nei. Ko ŋaroꞌa ꞌana e kōrua nā e oho mai ena te kiritō reo-reo. ꞌE ꞌi te hora nei, ko ꞌata rahi mai ꞌana. Pē ira a tātou e ꞌite nei ko te hora hopeꞌa era nei.