1 Kōrinto 10:1 - Rapa Nui

¹ E te taina, ꞌina ko rehu te meꞌe topa era ki te tātou tupuna: taꞌatoꞌa o te nuꞌu nei i haka tika rō e te ꞌAtua hai raŋi e tahi, taꞌatoꞌa i haka eꞌa rō ki te rua pāꞌiŋa o te vai era ko Vaikava Mea-mea.

1 Kōrinto 10:1 ပူးပေါင်းရင်းမြစ်များ

Iovani 4:20

Te mātou tupuna ꞌi ruŋa o te maꞌuŋa nei i haꞌamuri ai ki te ꞌAtua, ꞌe a kōrua te hūrio e kī ena: ꞌi Hērutarema te kona tano mo haꞌamuri ki te ꞌAtua.

Rōmano 1:13

E te taina, e haŋa rō ꞌana a au mo ꞌite o kōrua e rahi rō ꞌā te mahana pohe ōꞌoku mo oho atu mo uꞌi i a kōrua, ꞌe ꞌātā ki te hora nei, ꞌī e piri nō mai ꞌā te meꞌe mo taꞌe tuꞌu atu ōꞌoku. Te meꞌe haŋa ꞌāꞌaku he takeꞌa mai ꞌi roto i a kōrua meꞌe rahi nuꞌu e pūai rō ꞌā te manaꞌu ꞌi ruŋa i te hāpī parautiꞌa o te ꞌAtua, ꞌe, takoꞌa, he ꞌata rahi o te nuꞌu haka ꞌou haka moe i te manaꞌu ꞌi ruŋa i a Ietū, pa he meꞌe topa ꞌi te tētahi atu kona o te nuꞌu taꞌe hūrio tuꞌu hāpī e au.

Rōmano 11:21

Mo ai ꞌina kai haka rehu e te ꞌAtua i te hara o te maŋa mau o rā tumu, e ko haka rehu takoꞌa e ia i tuꞌu hara.

Rōmano 4:11

Te parautiꞌa, ko kī era ꞌā te ꞌAtua i rā meꞌe i hore iho ai te kiri o te kinoŋa o ꞌAparahama, pa he tāpaꞌo o tū meꞌe kī era e te ꞌAtua o ruŋa i a ia. Pē ira a ꞌAparahama i ai ai he matuꞌa o te nuꞌu taꞌatoꞌa haka moe i te manaꞌu ꞌi ruŋa i te ꞌAtua, nuꞌu e tano takoꞌa rō ꞌā ki te mata o te ꞌAtua, ka ai atu kai hore te kiri o te kinoŋa.

1 Kōrinto 12:1

E te taina, e haŋa rō ꞌana a au mo aŋi-aŋi riva-riva e kōrua o ruŋa i te meꞌe vaꞌai mai e te Vārua Maitai ki a tātou, ki te nuꞌu ⌊haka moe i te manaꞌu⌋ ꞌi ruŋa i a Ietū, mo aŋa i te aŋa o te ꞌAtua.

1 Kōrinto 14:38

ꞌE mo taꞌe moꞌa i te roŋo nei, ꞌina takoꞌa ia kōrua ko haka roŋo ki tāꞌana meꞌe haka ꞌite atu.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

ꞌEvereo 11:29

He haka moe i te manaꞌu ꞌi ruŋa i te ꞌAtua i haꞌere i oho ai te itaraera a vāeŋa tini o Vaikava Mea-mea ki te rua pāꞌiŋa pa he meꞌe: e haꞌere ꞌana a te ara paka-paka hora ꞌāvahi era e te ꞌAtua i te vaikava. ꞌE i oho era te ehipto ꞌi tuꞌa, he emu tahi rō atu ꞌai.