1 Kōrinto 1:9 - Rapa Nui

⁹ ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

1 Kōrinto 1:9 ပူးပေါင်းရင်းမြစ်များ

Māteo 24:35

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 8:28

Ko ꞌite ꞌana a tātou pē nei ē: te ꞌAtua e haka tano tahi rō ꞌana i te meꞌe mo te riva-riva o te nuꞌu haŋa ki a ia, nuꞌu haꞌataꞌa e te ꞌAtua tano ki te meꞌe haŋa e ia mo rāua.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

Rōmano 9:24

A tātou taꞌatoꞌa, paꞌi, he nuꞌu haꞌataꞌa māꞌana ka hūrio ꞌe ka taꞌe hūrio.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

1 Kōrinto 10:16

Hora ena o tātou o te nuꞌu ⌊haka moe i te manaꞌu⌋ ꞌi ruŋa i a Ietū e piri ena mo haka manaꞌu o ruŋa i tōꞌona mate, e ai rō ꞌana te tātou meꞌe unu, ꞌe mo rā meꞌe e māuru-uru nei tātou ki te ꞌAtua. He tāpaꞌo ko maꞌitaki ꞌana tātou ꞌi te toto o te Kiritō. ꞌE te haraoa mo-more kai e tātou he tāpaꞌo pē nei ē: mo tātou takoꞌa te meꞌe riva-riva ravaꞌa hai mate era o te Kiritō.

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

Karatia 1:15

ꞌE, ka ai atu i tute rō a au mo tōtōā i te nuꞌu haka moe i te manaꞌu ꞌi ruŋa i a Ietū, te ꞌAtua, kai poreko hia ꞌana a au, i haꞌataꞌa rō ai i a au māꞌana ꞌe, hai riva rahi ōꞌona, i haka ꞌite mai ai ko ai a Ietū, mo haka moe ōꞌoku i te manaꞌu ꞌi ruŋa i a ia. Te haŋa ōꞌona: mo haka ꞌite mo oho ōꞌoku i te roŋo riva-riva o ruŋa i a Ietū ki te nuꞌu taꞌe he hūrio. Hora topa mai era o te meꞌe nei, ꞌina a au kai oho kai kimi e tahi kope mo haka ꞌite mai o ruŋa i te roŋo o te ꞌAtua,

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

2 Tētārōnika 2:14

Hai hāpī haka ꞌite atu era e mātou, te ꞌAtua i aŋa ai mo haka moe mo oho nō kōrua i te manaꞌu ꞌi ruŋa i a Ietū, ki oꞌo ai kōrua ki roto i te nui-nui ōꞌona, te auraꞌa, ki ai takoꞌa ai i a kōrua tōꞌona huru riva.

2 Tētārōnika 3:3

Ka ai atu pē ira, te tātou Pūꞌoko Haka Tere ko Ietū e ko taꞌe haka tano i tāꞌana meꞌe kī, ꞌe māꞌana e haka pūai ꞌe e hāpaꞌo atu ꞌo haka hara i a kōrua e Rukifero.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

2 Timoteo 2:13

Ka taꞌe aŋa atu a tātou i te tātou meꞌe kī, ko te aŋa iŋa ꞌana a ia i tāꞌana meꞌe kī; e ko aŋa, paꞌi, a ia e tahi meꞌe ꞌina he tano ki tōꞌona huru.

ꞌEvereo 10:23

E haka hio-hio e oho nō tātou i te manaꞌu ꞌi ruŋa i te meꞌe hōrea mai era e te ꞌAtua. A ia, paꞌi, e ko taꞌe aŋa i tāꞌana meꞌe kī.

ꞌEvereo 11:11

He haka moe i te manaꞌu ꞌi ruŋa i te ꞌAtua, a Tara, viꞌe ꞌa ꞌAparahama, ka ai atu he paꞌa ꞌe ko rūꞌau riva-riva ꞌā, i tupu nō te poki ꞌo te ꞌite e ko taꞌe haka tano e te ꞌAtua i tāꞌana meꞌe hōrea.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 1:7

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

1 Iovani 4:13

Te meꞌe haka ꞌite mai he parautiꞌa mau ꞌana ananake tātou ko te ꞌAtua ko te meꞌe nei: ko vaꞌai mai ꞌana e ia i tōꞌona Vārua.

Meꞌe Haka Takeꞌa 19:11

He uꞌi atu a au e ha-hata rō ꞌā te raŋi ꞌe he takeꞌa mai te hoi tea-tea e tahi. Te ꞌīŋoa o te kope o ruŋa: «He Kope Aŋa i Tāꞌana Meꞌe Kī» ꞌe «He Kope Parautiꞌa»; hai tī-tika, paꞌi, e haka tere ena i a ia ꞌi te hora kī i te tano ꞌe i te taꞌe tano o te taŋata ꞌe pē ira ꞌā ꞌi te hora o te tamaꞌi.