1 Kōrinto 1:4 - Rapa Nui

⁴ He māuru-uru nō tāꞌaku aŋa ki te ꞌAtua mo kōrua ꞌi te riva rahi vaꞌai atu e ia hai Ietū Kiritō.

1 Kōrinto 1:4 ပူးပေါင်းရင်းမြစ်များ

Māteo 19:11

He pāhono e Ietū: —Taꞌe taꞌatoꞌa nuꞌu ꞌite pē hē te maꞌu iŋa o te meꞌe he taꞌe hāipo-ipo, te auraꞌa, he noho iŋa ꞌina he piri tane; te nuꞌu ꞌite mo maꞌu i te meꞌe nei he nuꞌu hāꞌūꞌū e te ꞌAtua.

Iovani 10:30

ꞌE, a māua ko te Matuꞌa e tahi mau nō.

Iovani 14:14

Te meꞌe taꞌatoꞌa no-noꞌi mai hai ꞌīŋoa ōꞌoku he haka tano e au.

Iovani 14:16

Ka iri nei a au, he no-noꞌi ki te Matuꞌa mo uŋa mai i te kope tāꞌana meꞌe aŋa he hāꞌūꞌū, he Vārua Maitai hāpī i te Parautiꞌa, mo noho mau rō atu ꞌai ꞌi roto i a kōrua. Te Vārua Maitai e ko ai i te nuꞌu o te ao nei taꞌe ⌊haka moe i te manaꞌu⌋ ꞌi ruŋa i a au, he taꞌe ꞌite ꞌe he taꞌe aŋi-aŋi ko ai a ia. Ko kōrua te meꞌe i aŋi-aŋi; a ia, paꞌi, nā ꞌi muri i a kōrua ꞌe pe muꞌa ka oho ena ꞌi roto i a kōrua mau ꞌana ka noho ena.

Iovani 14:26

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 21:20

I ŋaroꞌa era i tū vānaŋa era, he haꞌahana-hana tahi ananake ki te ꞌAtua. He kī ia e tū nuꞌu era ki a Pauro: «E te taina, ko ꞌite ꞌana e koe ka taꞌutini ka taꞌutini te nuꞌu hūrio haka moe i te manaꞌu ꞌi ruŋa i a Ietū, ꞌe taꞌatoꞌa e kī rō ꞌana mo maꞌu mo oho nō o tātou i te ⌊haka tere iŋa ꞌa Mōtē⌋.

Rōmano 1:8

Te meꞌe raꞌe, he māuru-uru a au ki te ꞌAtua hai Ietū Kiritō mo kōrua taꞌatoꞌa ꞌo te ai te haka moe iŋa o kōrua i te manaꞌu ꞌi ruŋa i a Ietū e ꞌite rō ꞌana ꞌi te kona taꞌatoꞌa.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 1:3

Ka ai ꞌi ruŋa i a kōrua te riva rahi ꞌe te haumārū o te ꞌAtua he Matuꞌa, ꞌe o te tātou Pūꞌoko Haka Tere ko Ietū Kiritō.

1 Timoteo 1:14

ꞌE i haka ꞌite rō mai e ia i tōꞌona riva ꞌe i tōꞌona haŋa ki a au hai haka poreko ꞌi roto i a au i te haŋa mo haka moe ōꞌoku i te manaꞌu ꞌi ruŋa i a Ietū, ꞌe i te haŋa mo te rua taŋata hai Ietū Kiritō.