1 Kōrinto 1:31 - Rapa Nui

³¹ E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope haŋa mo haka paka i a ia, te tano mau: e haka paka i te ꞌAtua, Pūꞌoko Haka Tere o tātou, ꞌo te meꞌe aŋa e ia».

1 Kōrinto 1:31 ပူးပေါင်းရင်းမြစ်များ

Rōmano 4:2

ꞌĀhani hai meꞌe i aŋa e ꞌAparahama i kī ai e te ꞌAtua a ꞌAparahama he kope tano ki tōꞌona mata, e tano nō ia a ꞌAparahama mo haka paka i a ia, ka ai atu taꞌe ꞌi muꞌa o te ꞌAtua.

1 Kōrinto 4:6

E te taina, mo te kōrua riva-riva i vānaŋa i haꞌaauraꞌa atu ai au o ruŋa i a māua ko ꞌĀporo mo ꞌite o kōrua mo haka tere nō i a kōrua hai meꞌe hāꞌaki ꞌi ruŋa i te ⌊Pāpaꞌi Moꞌa⌋, ꞌo haka paka kōrua i te kope e tahi ꞌe ꞌo taꞌe haka au i te rua.

2 Kōrinto 10:17

E kī rō ꞌā, paꞌi, ꞌi ruŋa i te ⌊Pāpaꞌi Moꞌa⌋: «Te kope haŋa mo haka paka i tāꞌana meꞌe aŋa, te tano mau: e haka paka i te meꞌe aŋa e te tātou Pūꞌoko Haka Tere».

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.