1 Kōrinto 1:30 - Rapa Nui

³⁰ Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 1:30 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Ruka 11:49

»ꞌO ira te ꞌAtua hai mārama-rama i kī ai: “E uŋa rō au i te perofeta ꞌe i te ⌊ꞌāpōtoro⌋, ꞌe e tiŋaꞌi e haka mate rō e rāua i te tētahi ꞌe i te tētahi atu e tū-tute rō mo tōtōā”.

Ruka 21:15

Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Rōmano 1:17

Hai roŋo nei te ꞌAtua e haka ꞌite ena pē hē te taŋata haŋa mo haka hāhine ki a ia e tano ena ki tōꞌona mata: hai haka moe i te manaꞌu ꞌi ruŋa i a Ietū, he oti mau ꞌā. E hāꞌaki ena, paꞌi, ꞌi ruŋa i te Pāpaꞌi Moꞌa: «Te taŋata tano ki te mata o te ꞌAtua ꞌi te haka moe i te manaꞌu ꞌi ruŋa i a ia he ravaꞌa i te ora ꞌāpī ꞌina he hopeꞌa raꞌa».

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

Rōmano 16:11

E ꞌaroha ki a Erotione, hūrio takoꞌa pē au, ꞌe ki te nuꞌu o te huaꞌai o Naratito haka moe i te manaꞌu ꞌi ruŋa i a Ietū.

Rōmano 16:7

E ꞌaroha ki a Anatoroniko ꞌe ki a Hūnia, he ⌊hūrio⌋ takoꞌa pē au ꞌā, ꞌe he hokorua era ōꞌoku ꞌi roto i te hare maꞌuꞌaurī. He ⌊ꞌāpōtoro⌋ moꞌa rahi a rāua, ꞌe ꞌi raꞌe ki a au i haka moe ai i te rāua manaꞌu ꞌi ruŋa i a Ietū.

Rōmano 4:25

vaꞌai era ki te mate mo te tātou hara, ꞌe haka ora haka ꞌou era mai te mate mo riro o tātou he taŋata tano ki te mata o te ꞌAtua.

Rōmano 4:6

A ⌊Tāvita⌋ i vānaŋa rō mo te kope kī e te ꞌAtua he taŋata tano ki tōꞌona mata taꞌe ꞌō hai tāꞌana meꞌe i aŋa.

Rōmano 5:19

ꞌO te taꞌe haꞌatura o te taŋata mau nō e tahi i hara tahi ai te taŋata, ꞌe ꞌo te haꞌatura o te taŋata mau nō e tahi meꞌe rahi nō atu taŋata ka ai ena he nuꞌu e tano rō ꞌana ki te mata o te ꞌAtua.

Rōmano 5:21

Te meꞌe ravaꞌa e te taŋata mai te hara he mate, he haꞌataꞌa mau rō ꞌāvai mai te ꞌAtua. ꞌE te meꞌe ravaꞌa mai te riva rahi o te ꞌAtua he tano ki tōꞌona mata ꞌe he ora ꞌāpī ꞌina he hopeꞌa raꞌa hai meꞌe aŋa era ꞌi ruŋa i te tātaurō e te tātou Pūꞌoko Haka Tere ko Ietū Kiritō.

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

1 Kōrinto 1:24

ꞌE mo te nuꞌu haꞌataꞌa e te ꞌAtua māꞌana, ka hūrio ꞌe ka taꞌe hūrio, he haka takeꞌa iŋa o te ꞌAtua i tōꞌona pūai ꞌe i tōꞌona mārama-rama.

1 Kōrinto 12:18

Te ꞌAtua meꞌe rahi nō atu kona o te hakari i aŋa ai ꞌe i haka rē ai i rā ŋā kona ꞌi te kona manaꞌu e ia e tano rō ꞌā.

1 Kōrinto 12:27

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

1 Kōrinto 12:8

O te Vārua Maitai te vaꞌai ki te tētahi taŋata i te pūai mo vānaŋa i te vānaŋa mārama-rama; ꞌe o te Vārua Maitai takoꞌa ꞌā te vaꞌai ki te rua i te pūai mo haka ꞌite i te meꞌe hōhonu o te ꞌAtua haka ꞌite e ia mau ꞌā ki rā taŋata.

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Karatia 3:13

Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Ēfeto 1:14

ꞌE, ꞌo te ai o te Vārua Maitai ꞌi roto i a tātou, e ꞌite nei: te ꞌAtua e haka oti rō i tāꞌana meꞌe haꞌamata aŋa era: he haka eꞌa i a tātou mai roto i te hara, ꞌe pe muꞌa ka oho ena he vaꞌai mai i te meꞌe taꞌatoꞌa hōrea mo tāꞌana nuꞌu, ki haꞌahana-hana tahi ai a tātou i te nui-nui o tōꞌona pūai.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ēfeto 4:30

ꞌIna ko haka māui-ui te māhatu o te Vārua Maitai hai aŋa i te meꞌe taꞌe tano; hai ia, paꞌi, te ꞌAtua i tāpaꞌo ai i a kōrua pa he taŋata ꞌāꞌana mo te mahana pe muꞌa ka oho ena ka haka oti ena e te ꞌAtua i tāꞌana meꞌe haꞌamata aŋa: he haka eꞌa mau rō ꞌāvai i a kōrua mai roto i te hara.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

Kōrosa 1:14

kope hai toto tehe era ōꞌona ꞌi ruŋa i te tātaurō i ꞌauhau ai i te tātou hara mo haka eꞌa i a tātou mai roto i te pōhāhā ꞌe mo haka rehu e te ꞌAtua i te tātou hara.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 9:12

E tahi mau nō oꞌo iŋa o Ietū ki te Kona ꞌAta Moꞌa parautiꞌa ꞌi te raŋi mo te hora taꞌatoꞌa, ꞌe kai maꞌu i te toto o te vato-vato ꞌe o te puaꞌa mo tūtia ki te ꞌAtua. I tūtia ai hai toto mau era ꞌā ōꞌona, ꞌe hai toto era ōꞌona i ravaꞌa ai mo haka eꞌa mau rō ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Iovani 5:6

Te ꞌAtua i haka takeꞌa ai pē nei ē: a Ietū Kiritō he Poki ꞌāꞌana, ꞌi te hora ⌊papatito⌋ hai vai, ꞌe ꞌi te hora pariŋi o tōꞌona toto ꞌi ruŋa i te tātaurō. Te ⌊Vārua Maitai⌋ he mataꞌite o te meꞌe nei, ꞌe tāꞌana meꞌe kī he parautiꞌa.

Meꞌe Haka Takeꞌa 14:4

Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,