1 Kōrinto 1:24 - Rapa Nui

²⁴ ꞌE mo te nuꞌu haꞌataꞌa e te ꞌAtua māꞌana, ka hūrio ꞌe ka taꞌe hūrio, he haka takeꞌa iŋa o te ꞌAtua i tōꞌona pūai ꞌe i tōꞌona mārama-rama.

1 Kōrinto 1:24 ပူးပေါင်းရင်းမြစ်များ

Ruka 11:49

»ꞌO ira te ꞌAtua hai mārama-rama i kī ai: “E uŋa rō au i te perofeta ꞌe i te ⌊ꞌāpōtoro⌋, ꞌe e tiŋaꞌi e haka mate rō e rāua i te tētahi ꞌe i te tētahi atu e tū-tute rō mo tōtōā”.

Ruka 7:35

Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

Rōmano 9:24

A tātou taꞌatoꞌa, paꞌi, he nuꞌu haꞌataꞌa māꞌana ka hūrio ꞌe ka taꞌe hūrio.

1 Kōrinto 1:18

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 1:9

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.