1 Kōrinto 1:21 - Rapa Nui

²¹ Te ꞌAtua, paꞌi, ꞌi tōꞌona mārama-rama ꞌAtua i kī ai: te taŋata e ko riva mo ꞌite ko ai a ia hai mārama-rama taŋata mau nō. ꞌE, ꞌi tōꞌona riva rahi, i manaꞌu ai mo haka eꞌa i te taŋata mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa hai haka moe o rāua i te manaꞌu ꞌi ruŋa i tāꞌana roŋo o ruŋa i a Ietū Kiritō, roŋo haka ꞌite e mātou, ka ai atu he meꞌe maꞌa-maꞌa nō atu e tahi mo te nuꞌu taꞌe haka moe i te manaꞌu ꞌi ruŋa i a Ietū.

1 Kōrinto 1:21 ပူးပေါင်းရင်းမြစ်များ

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Ruka 10:21

ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 11:33

¿Ko ai te kope mo ravaꞌa mo hāito i te rahi o te riva o te ꞌAtua, i tōꞌona mārama-rama ꞌe i tāꞌana meꞌe ꞌite? ꞌE ¿ko ai takoꞌa te kope mo ravaꞌa mo aŋi-aŋi i tōꞌona manaꞌu, ꞌe mo haꞌaauraꞌa i tāꞌana meꞌe aŋa?

1 Kōrinto 1:18

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

1 Kōrinto 1:23

ꞌE a mātou ꞌina he aŋa i te ŋā meꞌe era. Te mātou meꞌe aŋa he haka ꞌite he oho o ruŋa i te Kiritō veo era ꞌi ruŋa i te tātaurō. Te meꞌe nei he parauꞌino e tahi mo te hūrio, ꞌe mo te kirieko he meꞌe maꞌa-maꞌa nō atu e tahi.

1 Kōrinto 1:24

ꞌE mo te nuꞌu haꞌataꞌa e te ꞌAtua māꞌana, ka hūrio ꞌe ka taꞌe hūrio, he haka takeꞌa iŋa o te ꞌAtua i tōꞌona pūai ꞌe i tōꞌona mārama-rama.

1 Kōrinto 1:25

Te meꞌe aŋa e te ꞌAtua tuꞌu pa he meꞌe maꞌa-maꞌa e tahi mo te taŋata, he meꞌe ꞌata hau rō atu ꞌi te mārama-rama ki te manaꞌu mārama-rama taꞌatoꞌa o te taŋata. ꞌE te meꞌe o te ꞌAtua tuꞌu pa he meꞌe taꞌe pūai, he meꞌe ꞌata hau rō atu i te pūai ki te pūai taꞌatoꞌa o te taŋata.

1 Kōrinto 1:27

I haꞌataꞌa ai e te ꞌAtua i te taŋata māꞌana hai nuꞌu taꞌe hāpī ꞌe taꞌe mārama-rama rahi, ki te manaꞌu taŋata, mo haka haꞌamā i te nuꞌu hāpī rahi. I haꞌataꞌa takoꞌa rō i te nuꞌu taꞌe pūai, ki te kī o te taŋata, mo haka haꞌamā i te nuꞌu pūai.

1 Kōrinto 11:32

ꞌE mo haka ūtuꞌa mai, he meꞌe mo aŋi-aŋi e tātou, ꞌo haka ūtuꞌa rō i a tātou ꞌi muri i te nuꞌu o te ao taꞌe haka moe i te manaꞌu ꞌi ruŋa i a ia.

1 Kōrinto 2:14

Te kope taꞌe haka moe i te manaꞌu ꞌi ruŋa i a Ietū ꞌe kore o te Vārua Maitai o roto i a ia ꞌina he toꞌo mōꞌona i te hāpī haka ꞌite e te Vārua Maitai; te hāpī nei he meꞌe maꞌa-maꞌa e tahi mōꞌona. ꞌE ꞌina e ko aŋi-aŋi, ꞌi te meꞌe era o te Vārua Maitai mau nō te haka aŋi-aŋi i te auraꞌa parautiꞌa o rā hāpī.

1 Kōrinto 4:10

E manaꞌu ena te nuꞌu o te ao nei he maꞌa-maꞌa a mātou ꞌo te aŋa ki te Kiritō, ꞌe a kōrua e manaꞌu ena: ꞌo te ai a kōrua o te Kiritō he nuꞌu mārama-rama. Ki te manaꞌu takoꞌa o te nuꞌu o te ao nei he nuꞌu taꞌe pūai a mātou, ꞌe a kōrua e manaꞌu ena he nuꞌu pūai kōrua. Te nuꞌu o te ao e taꞌe haka au rō ꞌana i a mātou, ꞌe ki a kōrua e moꞌa atu ena.

1 Kōrinto 6:2

¿Kai ꞌite ꞌana ꞌō kōrua: pe muꞌa ka oho ena, mo tātou mo te nuꞌu haꞌataꞌa e te ꞌAtua e ture i te nuꞌu o te ao nei? ꞌE, mo ai pē ira, ¿e ko ravaꞌa mau ꞌō e kōrua ꞌi te hora nei mo haka riva-riva i te ture ꞌiti-ꞌiti e tahi?

Karatia 1:15

ꞌE, ka ai atu i tute rō a au mo tōtōā i te nuꞌu haka moe i te manaꞌu ꞌi ruŋa i a Ietū, te ꞌAtua, kai poreko hia ꞌana a au, i haꞌataꞌa rō ai i a au māꞌana ꞌe, hai riva rahi ōꞌona, i haka ꞌite mai ai ko ai a Ietū, mo haka moe ōꞌoku i te manaꞌu ꞌi ruŋa i a ia. Te haŋa ōꞌona: mo haka ꞌite mo oho ōꞌoku i te roŋo riva-riva o ruŋa i a Ietū ki te nuꞌu taꞌe he hūrio. Hora topa mai era o te meꞌe nei, ꞌina a au kai oho kai kimi e tahi kope mo haka ꞌite mai o ruŋa i te roŋo o te ꞌAtua,

Karatia 4:8

ꞌI muꞌa ꞌā, hora era kai haka moe ꞌana kōrua i te manaꞌu ꞌi ruŋa i te ꞌAtua parautiꞌa, he ꞌekaravo kōrua o te meꞌe kī e kōrua he ꞌatua.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:10

mo takeꞌa aŋe ai, ꞌi te hora nei, e te merahi ꞌe e te vārua taꞌatoꞌa taꞌe takeꞌa e tātou, hai nuꞌu haka moe i te manaꞌu ꞌi ruŋa i a Ietū, te mārama-rama o tāꞌana meꞌe i aŋa mo haka riva-riva i te taŋata ki a ia.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.

Tanatiako 5:15

ꞌE ka pure era e haka moe rō ꞌana i te manaꞌu ꞌi ruŋa i a Ietū, he haka ora e Ietū i tōꞌona māui-ui, ꞌe mo ai ko hara ꞌā, he haka kore i tōꞌona hara.

Tanatiako 5:20

e ꞌite pē nei ē: te taŋata haka hoki i tōꞌona taina mai te ara taꞌe tano e mātaki ꞌā i te ara mo eꞌa o tōꞌona taina mai te ūtuꞌa o te pōꞌauahi ꞌe mo haka kore e te ꞌAtua meꞌe rahi hara.