1 Kōrinto 1:20 - Rapa Nui

²⁰ ¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.

1 Kōrinto 1:20 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Aŋa o te ꞌĀpōtoro 17:18

He haka tātake ia ki a Pauro e te tētahi nuꞌu maꞌori o te hāpī he ēpikureo ꞌe o te hāpī he ētōiko. ꞌE, ꞌi te huru o te vānaŋa ꞌa Pauro, he ꞌui ki a rāua ꞌā: «¿He aha te meꞌe vānaŋa e te reo-reo era?». ꞌE o te tētahi te kī: «Pa he meꞌe ena: a ia he taŋata haka ꞌite o ruŋa i te ꞌatua o te rua henua». E kī era i te meꞌe nei ꞌo te haka ꞌite o Pauro i te ⌊roŋo riva-riva o ruŋa i a Ietū⌋ ꞌe o ruŋa i te ora o te taŋata mai te mate.

Rōmano 1:20

Ka ai atu te huru o te ꞌAtua taꞌe he meꞌe mo takeꞌa hai mata, mai te aŋa iŋa era ꞌā o te ao te ꞌAtua e haka ꞌite nō mai ena i tōꞌona huru hai tāꞌana meꞌe aŋa. ꞌE te taŋata haka topa i te manaꞌu o ruŋa i te meꞌe taꞌatoꞌa aŋa e te ꞌAtua he aŋi-aŋi: te kope aŋa era i rā ŋā meꞌe he ꞌAtua, i a ia te pūai ꞌina he hopeꞌa raꞌa. ꞌO ira ꞌina he ꞌōtohe toe o te nuꞌu era mo aŋa i te rāua meꞌe taꞌe tano.

Rōmano 1:22

E kī ena he nuꞌu mārama-rama a rāua, ꞌe te parautiꞌa nuꞌu taꞌe mārama-rama,

1 Kōrinto 1:19

Pa he meꞌe hāꞌaki ꞌi ruŋa i te ⌊Pāpaꞌi Moꞌa⌋: «E haka takeꞌa rō e au ꞌina e tahi hauhaꞌa te manaꞌu mārama-rama o te taŋata. ꞌE te nuꞌu manaꞌu e ꞌite rahi rō ꞌana a rāua he haka mira-mira e au i te manaꞌu».

1 Kōrinto 1:26

E te taina, ꞌina ko rehu pē hē te taŋata e manaꞌu era o ruŋa i a kōrua ꞌi te hora haꞌataꞌa e te ꞌAtua i a kōrua māꞌana. Ki te rāua kī: nuꞌu taꞌe rahi te nuꞌu mārama-rama, te nuꞌu tōroꞌa ra-rahi ꞌe te nuꞌu te rāua huaꞌai nuꞌu hōnui o roto i a kōrua.

1 Kōrinto 1:27

I haꞌataꞌa ai e te ꞌAtua i te taŋata māꞌana hai nuꞌu taꞌe hāpī ꞌe taꞌe mārama-rama rahi, ki te manaꞌu taŋata, mo haka haꞌamā i te nuꞌu hāpī rahi. I haꞌataꞌa takoꞌa rō i te nuꞌu taꞌe pūai, ki te kī o te taŋata, mo haka haꞌamā i te nuꞌu pūai.

1 Kōrinto 1:28

Te nuꞌu taꞌe haka au ꞌe taꞌe haŋa e te taŋata, te auraꞌa, te nuꞌu ꞌina e tahi hauhaꞌa, ki te rāua kī, ko te nuꞌu nei te nuꞌu i haꞌataꞌa e te ꞌAtua māꞌana, mo haka takeꞌa: te nuꞌu e hauhaꞌa rō ꞌā ki te mata o te taŋata, ki te mata o te ꞌAtua taꞌe pē ira.

1 Kōrinto 11:32

ꞌE mo haka ūtuꞌa mai, he meꞌe mo aŋi-aŋi e tātou, ꞌo haka ūtuꞌa rō i a tātou ꞌi muri i te nuꞌu o te ao taꞌe haka moe i te manaꞌu ꞌi ruŋa i a ia.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

1 Kōrinto 2:8

Rā meꞌe manaꞌu era e te ꞌAtua mo aŋa ꞌina kai aŋi-aŋi e te nuꞌu pūꞌoko haka tere o te ao nei. ꞌĀhani, paꞌi, a rāua i aŋi-aŋi, e ko veo ꞌi ruŋa i te tātaurō i te tātou Pūꞌoko Haka Tere, kope i a ia te parau o te meꞌe taꞌatoꞌa.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 3:19

Te manaꞌu mārama-rama o te taŋata o te ao nei he meꞌe maꞌa-maꞌa nō atu e tahi mo te ꞌAtua. Pa he meꞌe kī ꞌi ruŋa i te ⌊Pāpaꞌi Moꞌa⌋: «Te nuꞌu manaꞌu he nuꞌu mārama-rama a rāua e haka ꞌite rō ꞌā e te ꞌAtua taꞌe pē ira hai taꞌe haꞌatiꞌa mo tano o te rāua meꞌe manaꞌu mo aŋa».

1 Kōrinto 6:2

¿Kai ꞌite ꞌana ꞌō kōrua: pe muꞌa ka oho ena, mo tātou mo te nuꞌu haꞌataꞌa e te ꞌAtua e ture i te nuꞌu o te ao nei? ꞌE, mo ai pē ira, ¿e ko ravaꞌa mau ꞌō e kōrua ꞌi te hora nei mo haka riva-riva i te ture ꞌiti-ꞌiti e tahi?

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.