1 Kōrinto 1:13 - Rapa Nui

¹³ ¿Ka kī ꞌō e topa-topa rō ꞌana a Ietū? ¿I veo rō ꞌō a Pauro ꞌi ruŋa i te tātaurō mo te riva-riva o kōrua? ¿I ⌊papatito⌋ rō ꞌō kōrua hai ꞌīŋoa ōꞌona?

1 Kōrinto 1:13 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Māteo 3:6

He pinitinia i te rāua hara ꞌe he ⌊papatito⌋ e Iovani ꞌi roto i te rio era ko Horotana.

Aŋa o te ꞌĀpōtoro 10:48

ꞌE he kī mo papatito i tū nuꞌu era hai ꞌīŋoa o Ietū Kiritō, mo haka ꞌite ko haka moe ꞌā i te manaꞌu ꞌi ruŋa i a Ietū. I oti era he ani e rā nuꞌu ki a Pētero mo ꞌata noho ꞌi muri i a rāua.

Aŋa o te ꞌĀpōtoro 19:5

I ŋaroꞌa era i te ŋā meꞌe nei, he haka papatito i a rāua hai ꞌīŋoa o Ietū Kiritō mo haka ꞌite ko haka moe ꞌā a rāua i te manaꞌu ꞌi ruŋa i a Ietū.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 8:16

Te nuꞌu nei ko papatito ꞌā hai ꞌīŋoa o Ietū Kiritō ꞌi te hora haka moe i te manaꞌu ꞌi ruŋa i a ia, ꞌe te Vārua Maitai kai topa ꞌā ki ruŋa i a rāua.

Rōmano 14:9

Mo ira a Ietū i mate ai ꞌe i ora haka ꞌou ai: mo Pūꞌoko Haka Tere o tātou taꞌatoꞌa, ka ai atu nuꞌu mate ꞌo nuꞌu ora.

1 Kōrinto 1:15

Pē ira ꞌina e tahi kope mo kī i papatito ai a ia hai ꞌīŋoa ōꞌoku.

1 Kōrinto 10:2

Hai ŋā meꞌe nei i tuꞌu ai pa he meꞌe: ko ⌊papatito⌋ tahi ꞌana a rāua pa he nuꞌu hāpī ꞌa ⌊Mōtē⌋.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

Karatia 1:7

ꞌE te parautiꞌa, ꞌina he rua roŋo riva-riva o te ꞌAtua. Te meꞌe nō, e ai rō ꞌana te nuꞌu nā e haka mira-mira ꞌana i te kōrua manaꞌu. E haŋa ꞌā mo haka poteko i te ⌊roŋo riva-riva o ruŋa i a Ietū⌋.

Ēfeto 4:5

E tahi mau nō Pūꞌoko Haka Tere o tātou ko Ietū Kiritō, e tahi mau nō hāpī parautiꞌa o ruŋa i a ia, ꞌe e tahi mau nō ⌊papatito⌋.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.