1 Kōrinto 1:11 - Rapa Nui

¹¹ E kī atu ena a au i te meꞌe nei, e te taina ē, he ꞌite ōꞌoku, mai te huaꞌai o Kōroe, e tātake rō ꞌana kōrua ꞌi roto i a kōrua ꞌā.

1 Kōrinto 1:11 ပူးပေါင်းရင်းမြစ်များ

1 Kōrinto 1:10

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 11:18

Te meꞌe ꞌāꞌaku i ŋaroꞌa: e taka-taka ena a kōrua, he tātake nō te aŋa ꞌe he haka topa-topa kē-kē, ꞌe ki tōꞌoku manaꞌu e ai rō ꞌā te parautiꞌa o te vānaŋa nei.

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:15

ꞌE, mo moto ꞌe mo tātake ꞌi roto i a kōrua, e uꞌi ꞌo kore rō te kōrua haŋa pa he taina ꞌe ꞌo haka tapa rō te kōrua manaꞌu mai ruŋa i a Ietū.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Karatia 5:26

ꞌI roto i a tātou, ꞌina ko manaꞌu i hau rō atu tātou ki te rua, ꞌina ko haka tātake i te kope e tahi ki te rua ꞌe ꞌina ko mākota.

Fīripo 2:14

Te meꞌe taꞌatoꞌa aŋa e kōrua, ana aŋa ꞌina ko tātake ꞌe ꞌina ko hēŋuꞌi-ŋuꞌi,

1 Timoteo 6:4

te kope nei ia he kope manaꞌu i a ia nō te tano, ꞌe te parautiꞌa mau, ꞌina e tahi ꞌāꞌana meꞌe i ꞌite. Pa he māui-ui e tahi ōꞌona te haka tumu i te tātake o ruŋa i te meꞌe hauhaꞌa-ꞌore. Pē ira he poreko te mākota, te taꞌe au, te vā-vā, te manaꞌu ꞌino,

Tito 3:9

E Tito, ꞌina koe ko haka māuꞌa tuꞌu hora ki te tātake tahaŋa o ruŋa i te hakaara tupuna ꞌe o ruŋa i te ⌊haka tere iŋa era ꞌa Mōtē⌋; ꞌina, paꞌi, e tahi meꞌe riva-riva mo ravaꞌa.