1 Iovani 5:4 - Rapa Nui

⁴ A tātou, te ŋā poki o te ꞌAtua, e ko ravaꞌa e te ao haka tere hai manaꞌu taŋata mo haka tapa mai te ara o te ꞌAtua. Hai haka moe, paꞌi, o te tātou manaꞌu ꞌi ruŋa i a Ietū, e rē nei a tātou ki te ao nei.

1 Iovani 5:4 ပူးပေါင်းရင်းမြစ်များ

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

1 Kōrinto 15:57

E te taina, ¡ki māuru-uru tātou ki te ꞌAtua ꞌo te vaꞌai mai i te pūai mo rē ki te hara ꞌe ki te mate hai meꞌe aŋa era e Ietū Kiritō, he Pūꞌoko Haka Tere o tātou!

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 3:9

ꞌIna e tahi poki parautiꞌa o te ꞌAtua noho ꞌi roto i te hara ꞌo te ai ꞌi roto i a ia te manaꞌu o te ꞌAtua; ꞌina he haŋa haka ꞌou mo hara ꞌi te ai ōꞌona o te ꞌAtua.

1 Iovani 4:4

E ŋā poki, o te ꞌAtua a kōrua, ꞌe ko rē ꞌana ki te ŋā haꞌavare era ꞌo te ai te Vārua ena i a kōrua ꞌata pūai ki te vārua o te ao nei.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

1 Iovani 5:18

Ko ꞌite ꞌana, paꞌi, e tātou ꞌina e tahi poki parautiꞌa o te ꞌAtua noho ꞌi roto i te hara. E hāpaꞌo rō ꞌana e te Poki o te ꞌAtua, ko Ietū Kiritō, ꞌe ꞌina e ko ravaꞌa mo haka puā e Rukifero.

1 Iovani 5:5

¿Ko ai ia te kope mo rē ki te ao nei? Te kope mōꞌona he parautiꞌa mau ꞌā a Ietū he Poki o te ꞌAtua.

Meꞌe Haka Takeꞌa 12:11

Ko rē ꞌā nei ŋā taina ki rā kope hai toto tehe era o te Māmoe ꞌe hai roŋo riva-riva haka ꞌite era e rāua. ꞌIna kai riꞌa-riꞌa ꞌi te mate, i vaꞌai nō i a rāua mo mate.

Meꞌe Haka Takeꞌa 15:2

He takeꞌa takoꞌa e au te meꞌe tuꞌu pa he vaikava aŋa hai hiꞌo e ꞌānoꞌi rō ꞌana hai ahi. ꞌI muri o rā kona e māroa rō ꞌā te nuꞌu rē ki tū manuꞌino eꞌa era mai roto i te vaikava, ki te ꞌītoro aŋa pē ia ꞌe ki te nūmera o tōꞌona ꞌīŋoa. E maꞌu-maꞌu rō ꞌana i te arpa i vaꞌai e te ꞌAtua.

Meꞌe Haka Takeꞌa 2:11

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero e ko topa ꞌi ruŋa i a rāua te rua mate iŋa, e ko haꞌataꞌa mau rō ꞌāvai mai muri i te ꞌAtua’”.

Meꞌe Haka Takeꞌa 2:17

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au i te kai he ⌊mānā⌋ naꞌa era. ꞌE he vaꞌai takoꞌa e au e tahi māꞌea tea-tea ꞌi ruŋa e pāpaꞌi rō ꞌā te ꞌīŋoa ꞌāpī e tahi, ꞌe ꞌina he rua kope ꞌite i rā ꞌīŋoa, ko te kope nō era i a ia rā māꞌea’”.

Meꞌe Haka Takeꞌa 2:26

’Te nuꞌu rē ki te pūai o Rukifero aŋa oho, ꞌātā ki te hopeꞌa, i tāꞌaku meꞌe haŋa mo aŋa, he vaꞌai e au i te parau mo haka tere i te henua taꞌatoꞌa o te ao,

Meꞌe Haka Takeꞌa 2:7

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te ⌊Vārua Maitai⌋ ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa ꞌi te kona era o te ꞌAtua’”.

Meꞌe Haka Takeꞌa 3:12

’Te nuꞌu rē ki te pūai o Rukifero, he haka riro e au pa he pou hio-hio ꞌi te kona haꞌamuri ꞌAtua ꞌi te raŋi, te auraꞌa: he noho mau rō ꞌai a rāua ꞌi muri i a ia. ꞌE ꞌi ruŋa ka pāpaꞌi ena e au i te ꞌīŋoa o tōꞌoku ꞌAtua ꞌe o tōꞌona kona noho, he Hērutarema ꞌāpī topa mai te raŋi, ꞌe he pāpaꞌi takoꞌa e au ꞌi ruŋa i te ꞌīŋoa ꞌāpī ōꞌoku.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.